ଚେନ୍ନାଇ,୨୮/୦୫: କୋଲକାତା ନାଇଟ ରାଇଡର୍ସ ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିବା ମିଚେଲ ଷ୍ଟାର୍କ ଆସନ୍ତା ବର୍ଷ ପୁଣି ଥରେ ଆଇପିଏଲ୍ ଖେଳିବାକୁ ଆଗ୍ରହୀ ଥିବା ସ୍ପଷ୍ଟ କରିଦେଇଛନ୍ତି । ଏପରିକି ଦିନିକିଆ କ୍ରିକେଟ୍ରୁ ବିରତି ନେଇ ଆଗାମୀ ଦିନରେ ଅନ୍ୟାନ୍ୟ ଟି-ଟ୍ୱେଣ୍ଟି ଲିଗ୍ ଖେଳିବାକୁ ସେ ମନ ବଳାଇଛନ୍ତି ।
ଷ୍ଟାର୍କ କହିଛନ୍ତି, ଗତ ୯ବର୍ଷ ହେଲା ମୁଁ ଅଷ୍ଟ୍ରେଲିଆ କ୍ରିକେଟ୍କୁ ପ୍ରାଥମିକତା ଦେଇ ଆସିଛି । ଅନ୍ତର୍ଜାତୀୟ କ୍ରିକେଟ୍କୁ ଗୁରୁତ୍ୱ ଦେଇ ଫ୍ରାଞ୍ଚାଇଜ କ୍ରିକେଟ୍ରୁ ଦୂରେଇ ରହିଛି । ବର୍ତ୍ତମାନ ମୁଁ କ୍ୟାରିୟର୍ର ଅନ୍ତିମ ପର୍ଯ୍ୟାୟରେ ଉପନୀତ । ବେଶୀ ଦିନ ଅନ୍ତର୍ଜାତୀୟ କ୍ରିକେଟ୍ ଖେଳିବା ସମ୍ଭାବନା ନାହିଁ । ଅବସର ସମୟ ପାଖେଇ ଆସୁଛି । ତେଣୁ ପରବର୍ତ୍ତୀ ଦିନିକିଆ ବିଶ୍ୱକପ୍ ପାଇଁ ଢେର ସମୟ ରହିଛି । ତେଣୁ ବର୍ତ୍ତମାନ ମୁଁ ଦିନିକିଆ କ୍ରିକେଟ୍ରୁ ନିଜକୁ ଦୂରେଇ ରଖି ଫ୍ରାଞ୍ଚାଇଜ୍ କ୍ରିକେଟ୍ ଖେଳିବାକୁ ଚିନ୍ତା କରୁଛି । ମୋ ପାଇଁ ଫ୍ରାଞ୍ଚାଇଜ କ୍ରିକେଟ୍ର ଅର୍ଥ ଆଇପିଏଲ୍ । ଏହି ସିଜନକୁ ମୁଁ ମନ ଭରି ଉପଭୋଗ କରିଛି । ଟି-ଟ୍ୱେଣ୍ଟି ବିଶ୍ୱକପ୍ ପୂର୍ବରୁ ଉପଯୁକ୍ତ ଅଭ୍ୟାସ ପାଇଛି । ଆଶା କରୁଛି ଆସନ୍ତା ସିଜନରେ ମଧ୍ୟ ଆଇପିଏଲ ଖେଳିବି । ନାଇଟ୍ ରାଇଡର୍ସ ଦଳରେ ପୁନର୍ବାର ସ୍ଥାନ ପାଇବାକୁ ଆଶା ରଖିବି ।