କଟକ,୨୯/୦୬: ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ ଆସନ୍ତା ସୋମବାର ଅର୍ଥାତ ଜୁଲାଇ ପହିଲାରୁ ରାଜ୍ୟ ପରିବହନ କମିସନରଙ୍କ କାର୍ଯ୍ୟାଳୟରେ(ଏସ୍ଟିଏ) ଜନଶୁଣାଣି ଆରମ୍ଭ ହେଉଛି । ପ୍ରଥମ ଥର ଲାଗି ଏସ୍ଟିଏରେ ଜନଶୁଣାଣି ଅନୁଷ୍ଠିତ ହେଉଛି । ଏଥିରେ ଏସ୍ଟିଏ କମିସନରଙ୍କ ସମେତ ଅତିରିକ୍ତ କମିସନର, ଯୁଗ୍ମ କମିସନର ଏବଂ ଅନ୍ୟାନ୍ୟ ଅଧିକାରୀମାନେ ଉପସ୍ଥିତ ରହି ପରିବହନ ସଂକ୍ରାନ୍ତ ବିଭିନ୍ନ ଅଭିଯୋଗ ଶୁଣାଣି କରିବେ । ଜନଶୁଣାଣି ଜରିଆରେ ସାଧାରଣ ଲୋକେ ସେମାନଙ୍କ ଅଭିଯୋଗ ଉପସ୍ଥାପନ କରିବା ପରେ ତୁରନ୍ତ ଏହାର ସମାଧନ ଦିଗରେ ପଦକ୍ଷେପ ନିଆଯିବ ବୋଲି ଏସ୍ଟିଏର ଜଣେ ବରିଷ୍ଠ ଅଧିକାରୀ ପ୍ରକାଶ କରିଛନ୍ତି ।
ଉଲ୍ଲେଖଯୋଗ୍ୟ ଯେ, ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ ଏବଂ ପ୍ରତ୍ୟେକ ଜିଲ୍ଲାସ୍ତରରେ ଜିଲ୍ଲାପାଳମାନେ ପୂର୍ବରୁ ଜନଅଭିଯୋଗ ଶୁଣାଣି କରୁଥିଲେ।