ନୂଆଦିଲ୍ଲୀ,୦୯/୦୨: ମେକ୍ସିକୋରେ ଭୟଙ୍କର ସଡ଼କ ଦୁର୍ଘଟଣା । ଟ୍ରେଲର ସହ ଧକ୍କା ଦେଇ ବସରେ ଲାଗିଲା ନିଆଁ । ଫଳରେ ୪୧ ଜଣଙ୍କର ମୃତ୍ୟୁ ହୋଇଛି । ମୋଟ୍ ୪୮ ଜଣ ଯାତ୍ରୀଙ୍କୁ ନେଇ ବସଟି କୈନକନ୍ରୁ ଟେବସ୍କୋ ଯାଉଥିବା ବେଳେ ଏହି ଅଘଟଣ ଘଟିଥିବା ଜଣାପଡ଼ିଛି। ତେବେ ବର୍ତ୍ତମାନ ଯାଏଁ ଦୁର୍ଘଟଣାର ପ୍ରକୃତ କାରଣ ଜଣାପଡ଼ିନଥିବା ବେଳେ ତଦନ୍ତ କରୁଛି ପୋଲିସ ।
ଟାବାସ୍କୋ ରାଜ୍ୟ ସରକାର ଦୁର୍ଘଟଣା ବିଷୟରେ ସୂଚନା ଦେଇଛନ୍ତି। ଏନେଇ ସେ କହିଛନ୍ତି ଯେ ବସ୍ଟି ସମ୍ପୂର୍ଣ୍ଣ ଜଳି ଯାଇଛି। ଟ୍ରଲର ସହିତ ଧକ୍କା ହେବା ପରେ ନିଆଁ ଲାଗିଯାଇଥିଲା। ଫଳରେ ୪୧ ଜଣଙ୍କର ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଛନ୍ତି । ଶନିବାର ସକାଳେ ଏସକାର୍ସେଗା ସହର ନିକଟରେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣାରେ ମୃତକଙ୍କ ପରିଚୟ ଜଣାପଡ଼ିନାହିଁ। ରିପୋର୍ଟ ଅନୁଯାୟୀ, ବସ୍ ଅପରେଟର ଟୁର୍ ଆକୋଷ୍ଟାର ବସ୍ ପର୍ଯ୍ୟଟକଙ୍କୁ ନେଇ ଯାତ୍ରା କରୁଥିଲା। ଅପରେଟରଙ୍କ ଦ୍ୱାରା ଦିଆଯାଇଥିବା ସୂଚନା ଅନୁଯାୟୀ, ବସ୍ରେ ପ୍ରାୟ ୪୮ ଜଣ ଲୋକ ଥିଲେ ଯେଉଁମାନେ ଦୁର୍ଘଟଣାର ଶିକାର ହୋଇଥିଲେ। ଏନେଇ କମ୍ପାନୀ ଦ୍ୱାରା ଦୁର୍ଘଟଣାର ତଦନ୍ତ କରାଯାଉଛି। ସେହିପରି ଦୁର୍ଘଟଣା ପାଇଁ ଦାୟୀ ଲୋକଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେବ ବସ୍ କର୍ତ୍ତୁପକ୍ଷ। ସେପଟେ ଦୁର୍ଘଟଣାଗ୍ରସ୍ତଙ୍କୁ କ୍ଷତିପୂରଣ ଦିଆଯିବ ରାଜ୍ୟ ସରକାର ଘୋଷଣା କରିଛନ୍ତି । ରିପୋର୍ଟ ଅନୁସାରେ, ଆହତମାନେ କହିଛନ୍ତି ଯେ, କିଛି ମୁହୂର୍ତ୍ତ ମଧ୍ୟରେ ନିଆଁ ସମ୍ପୂର୍ଣ୍ଣ ବସ୍ରେ ଲାଗିଯାଇଥିଲା।
