ଭୁବନେଶ୍ୱର, ୦୬/୦୪: ସ୍ବାମୀ ସ୍ତ୍ରୀଙ୍କ କଳିରୁ ଆରମ୍ଭ ହେଲା ବିବାଦ । ପାରିବାରିକ ବିବାଦରୁ ଶଶୁର ଘର ଉପରକୁ ବୋମା ପକାଇଲା ଜ୍ୱାଇଁ । ବୋମାମାଡରେ ଘରର କବାଟ ଝରକାର କାଚ ଭାଙ୍ଗିବା ସହ ବିଭିନ୍ନ ଆସବାବପତ୍ର ନଷ୍ଟ ହୋଇଛି । ଅଳ୍ପକେ ବର୍ତ୍ତିଲେ ପାରିବାର ଲୋକେ । କଟକ ନରସିଂହପୁର ଥାନା ମୁସଲମାନ ସାହିରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଖୋର୍ଦ୍ଧା ମକୁନ୍ଦ ପ୍ରସାଦ ଗ୍ରାମର ଅବଦୁଲ ମନସୁର କଟକ ନରସିଂହପୁର ଥାନା ମୁସଲମାନ ସାହିର ସୁଲତାନ ମହମ୍ମଦଙ୍କ ଝିଅକୁ ବିବାହ କରିଥିଲେ । ହେଲେ କିଛି ଦିନ ହେବ ସ୍ୱମୀ ସ୍ତ୍ରୀଙ୍କ ମଧ୍ୟରେ ପାରିବାରିକ କଳହ ଲାଗି ରହିଥିଲା । ରାଗିଯାଇ ଜ୍ୱାଇଁ ଅବଦୁଲ ମନସୁର କରିଛି ଏଭଳି କାଣ୍ଡ । ଦୁଇ ସହଯୋଗୀଙ୍କ ସହ ମିଶି ଶନିବାର ବିଳମ୍ୱିତ ରାତିରେ ନରସିଂହପୁର ମୁସଲମାନ ବସ୍ତିରେ ଦୁଇ ବୋମା ପକାଇଥିବା ଅଭିଯୋଗ ହୋଇଛି । ବୋମାମାଡରେ ଘରର କବାଟ ଝରକା, କାଚ ବିଭିନ୍ନ ଆସବାବପତ୍ର ନଷ୍ଟ ହୋଇଥିବା ବେଳେ ଅଳ୍ପକେ ବର୍ତ୍ତିଗଲେ ପାରିବାର ଲୋକେ।
