କଟକ,୫/୪ : କଟକ ଜିଲ୍ଲା ବାଙ୍କୀ ବ୍ଲକର ରତାଗଡ଼ ଗ୍ରାମରୁ ଆଜି ପ୍ରଭୁ ଶ୍ରୀରାଚନ୍ଦ୍ରଙ୍କର ପିତଳ ପ୍ରତିମା ବାହାରିଛି । ସୂଚନା ଅନୁଯାୟୀ ଗତକାଲି ରାତିରେ ରତାଗଡ ଗ୍ରାମର ବଳରାମ ରାଉତଙ୍କୁ ସ୍ୱପ୍ନାଦେଶ ହୋଇଥିଲା । ଯାହାକୁ ନେଇ ବଳରାମ ଆଜି ଦିନ ୨ଟା ୩୦ସମୟରେ ରତାଗଡ ରାମ ନବମୀ ଅନୁଷ୍ଠାନର ୪ଜଣ ସେବକଙ୍କୁ ଧରି ସ୍ୱପ୍ନାଦେଶ ହୋଇଥିବା ସ୍ଥାନ ଖୋଲିଥିଲେ ।
ପାଖାପାଖି ସାଢେ ତିନି ଫୁଟ ଖୋଳିଲା ପରେ ପ୍ରଭୁଙ୍କର ପିତଳ ପ୍ରତିମା ବାହାରିଥିଲା । ଯାହାର ଉଚ୍ଚତା ପାଖାପାଖି ୮ ଇଞ୍ଚ ହୋଇଥିବାବେଳେ ଏଥିରେ ପ୍ରଭୁ ଶ୍ରୀରାମ ଚନ୍ଦ୍ରଙ୍କ ରଜଭିସେକ ପ୍ରତିମା ବୋଲି ଜଣାପଡିଛି । ଯେଉଁଥିରେ ମାତା ସୀତାଙ୍କ ସହ ଲକ୍ଷ୍ମଣ ଓ ହନୁମାନ ମଧ୍ୟ ରହିଛନ୍ତି । ଏହି ପ୍ରତିମା ଦେଖି ଆଖପାଖ ଲୋକଙ୍କ ମଧ୍ୟରେ ଗୋଟେ ଖୁସିର ଲହରୀ ଦେଖିବାକୁ ମିଳିଛି । ଆସନ୍ତାକାଲି ଶ୍ରୀରାମ ନବମୀ ଥିବାବେଳେ ଆଜି ପ୍ରଭୁଙ୍କର ଆଗମନ ଏବେ ନୂଆ ଉନ୍ମାଦନା ସୃଷ୍ଟି କରିଛି । ଆସନ୍ତାକାଲି ବ୍ରାହ୍ମଣ ଡାକି ପ୍ରଭୁଙ୍କର ବିଗ୍ରହ ପ୍ରତିଷ୍ଠା କରାଯିବାର ଯୋଜନା ରହିଛି । ପ୍ରଭୁ ବାହାରିଥିବା ସ୍ଥାନର ମାଲିକ ଦିବାକର ମଳିକ ପ୍ରଭୁଙ୍କ ବାହାରିବା ଦେଖି ତାଙ୍କ ପରିବାରରେ ବହୁତ ଆନନ୍ଦ ଖେଳି ଯାଇଛି । ଆଖ ପାଖ ଗ୍ରାମରେ ଏ ଖବର ଖେଳି ଯିବା ପରେ ପ୍ରଭୁଙ୍କୁ ଦେଖିବାକୁ ଲୋକମାନଙ୍କର ଗହଳି ଦେଖିବାକୁ ମିଳିଛି।
