ଦଶପଲ୍ଲା,୨୩/୧୦: ଆକ୍ସନ ମୋଡରେ ନୟାଗଡ଼ ଜିଲ୍ଲା ଅବକାରୀ ବିଭାଗ । ଅବକାରୀ ସୁପରିଟେଣ୍ଡେଣ୍ଟଙ୍କ ନିର୍ଦ୍ଦେଶ କ୍ରମେ ଜିଲ୍ଲା ସ୍ପେଶାଲ୍ ମୋବାଇଲ ସ୍କ୍ୱାର୍ଡ ଓ ଦଶପଲ୍ଲା ଅବକାରୀ ଥାନା ପକ୍ଷରୁ ମିଳିତ ଚଢାଉ । ଚଢାଉରେ ଜବତ ହେଲା ୯୦୦ ବୋତଲ କଫ୍ ସିରଫ । ଏହି ଘଟଣାରେ ଦଶପଲ୍ଲା ଏନଏସି ଅନ୍ତର୍ଗତ ସାତପାଟଣାର ଦୁଇ ଭାଇ ଦିଲ୍ଲୀପ କୁମାର ପଣ୍ଡା, ପ୍ରଦୀପ ପଣ୍ଡା ଓ ଗାଡ଼ି ଡ୍ରାଇଭରଙ୍କୁ ଅଟକ ରଖିଛି ଅବକାରୀ ବିଭାଗ । 

ସୂଚନା ମୁତାବକ, ଅବକାରୀ ବିଭାଗ କୌଣସି ସୁତ୍ରରୁ ଖବର ପାଇ ଦଶପଲ୍ଲା ଘରୋଇ ବସ୍ ଷ୍ଟାଣ୍ଡରେ ଜଗି ରହିଥିଲା । କିଛି ସମୟ ପରେ ଗୋଟିଏ ଗାଡ଼ିରୁ ୬ ଟି ପେଟି ଖାଲି କରୁଥିବା ସମୟରେ ଅବକାରୀ ବିଭାଗ ମାଡ଼ି ବସିଥିଲା । ତଦନ୍ତ ବେଳେ ୬ ଟି ପେଟିରେ ୯୦୦ ବୋତଲ କଫ୍ ସିରଫ ଦେଖିବାକୁ ମିଳିଥିଲା । ଏହି ଘଟଣାରେ ଦଶପଲ୍ଲା ଏନଏସି ଅନ୍ତର୍ଗତ ସାତପାଟଣାର ଦୁଇ ଭାଇ ଦୀଲ୍ଲିପ କୁମାର ପଣ୍ଡା, ପ୍ରଦିପ ପଣ୍ଡା ଓ ଗାଡ଼ି ଡ୍ରାଇଭରଙ୍କୁ ଅଟକ ରଖିଛି ଅବକାରୀ ବିଭାଗ । ଏହା ସହ ଏତେ ପରିମାଣର କଫ୍ ସିରଫ କେଉଁଠୁ ଆସିଲା, ତାହା ତଦନ୍ତ ଜାରି ରଖିଛି ଅବକାରୀ ବିଭାଗ ।