ନୂଆଦିଲ୍ଲୀ,୨୨/୫: ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଶକ୍ତ ଝଟକା । ଲୋକସଭା ନିର୍ବାଚନକୁ ନେଇ ସୋରେନଙ୍କୁ ଅନ୍ତରୀଣ ଜାମିନ ଦେବା ଲାଗି ମନା କଲେ କୋର୍ଟ । ଜମି ଘୋଟାଲା ମାମଲାରେ ଜେଲରେ ବନ୍ଦୀ ରହିଛନ୍ତି ସୋରେନ । ତେବେ ସୁପ୍ରିମକୋର୍ଟ କହିଛନ୍ତି ଯେ, ନିମ୍ନ କୋର୍ଟ ଏହି ମାମଲାରେ ସଂଜ୍ଞା ନେଇସାରିଛନ୍ତି । ବେଲ୍ ପିଟିସନକୁ ମଧ୍ୟ ପ୍ରତ୍ୟାଖ୍ୟାନ କରିଛନ୍ତି । ତେଣୁ ଏଥିରେ ଗିରଫର ଚ୍ୟାଲେଞ୍ଜ ଉପରେ ଶୁଣାଣିର ଆଧାର ହୋଇପାରିବ ନାହିଁ । ଏହି ମାମଲାକୁ ନେଇ ମଙ୍ଗଳବାର ଦିନ ମଧ୍ୟ କୋର୍ଟରେ ଯୁକ୍ତି ହୋଇଥିଲା ।
ହେମନ୍ତ ସୋରେନଙ୍କ ପକ୍ଷରୁ ବରିଷ୍ଠ ଅଧିବକ୍ତା କପିଲ ସିବଲ କୋର୍ଟରେ ଶୁଣାଣି ସମୟରେ କହିଛନ୍ତି ଯେ, ଏହା ୮.୮୬ ଏକର ଜମିର ମାମଲା ଅଟେ ଏବଂ ଏଥିରେ ହେମନ୍ତ ସୋରେନଙ୍କର କିଛି ସଂପର୍କ ନାହିଁ । ସମସ୍ତ ରେକର୍ଡ ସଠିକ ଅଛି ଏବଂ ଏଥିରେ କୌଣସି ବିବାଦ ହେବ ନାହିଁ । ସେହିପରି ଅନ୍ୟପଟେ ଆସିଷ୍ଟାଣ୍ଟ ସଲିସିଟର ଜେନେରାଲ ଏସବି ରାଜୁ କହିଛନ୍ତି ଯେ, ଏପରି କହିବା ଭୁଲ ଅଟେ ଯେ, ଏହା କୌଣସି ବିବାଦୀୟ ନୁହେଁ ।ପ୍ରକାଶ ଥାଉକି, ଝାଡଖଣ୍ଡରେ ୧୪ଟି ସିଟ ପାଇଁ ୪ଟି ପର୍ଯ୍ୟାୟରେ ମତଦାନ ହେଉଛି। ୭ଟି ପାଇଁ ମତଦାନ ହୋଇସାରିଥିବା ବେଳେ ଅନ୍ତିମ ପର୍ଯ୍ୟାୟ ମତଦାନ ମେ ୨୫ ଏବଂ ଜୁନ୍ ୧ରେ ଅନୁଷ୍ଠିତ ହେବ ।