ନୂଆଦିଲ୍ଲୀ,୧୫/୬ : ପିଏମ ନରେନ୍ଦ୍ର ମୋଦୀ ଜି-୭ ଶିଖର ସମ୍ମିଳନୀରେ ଭାଗ ନେବା ଲାଗି ଇଟାଲୀରେ ପହଞ୍ଚିଥିଲେ । ଏହି ସମୟରେ ସେ ଏହି ସମ୍ମିଳନୀର ସବୁ ଇଭେଣ୍ଟରେ ଭାଗ ନେଇଥିଲେ । ପିଏମ୍ ମୋଦୀଙ୍କ ସହ ଇଟାଲୀର ପ୍ରଧାନମନ୍ତ୍ରୀ ପିଏମ୍ ଜର୍ଜିୟା ମେଲୋନୀ ଏକ ଭିଡ଼ିଓ ସେୟାର କରିଛନ୍ତି । ପିଏମ୍ ମୋଦୀଙ୍କ ସହ ନେଇଥିବା ଭିଡ଼ିଓରେ ଇଟାଲୀର ପିଏମ୍ ମେଲୋନୀ କହିଛନ୍ତି କି, ମେଲୋଡ଼ି ଟିମ୍ ତରଫରୁ ହେଲୋ । ଏହି ଭିଡ଼ିଓରେ ପିଏମ ମୋଦୀ ପଛରେ ଥାଇ ହସୁଥିବା ନଜର ଆସିଥିଲେ । ପ୍ରକାଶ ଯେ, ପୂର୍ବ ବର୍ଷ ସେପ୍ଟେମ୍ବରରେ ଇଟାଲୀର ପିଏମ୍ ମୋଲୋନୀ ଯେତେବେଳେ ଭାରତ ଆସିଥିଲେ ତ ସେ ପିଏମ୍ ମୋଦୀଙ୍କ ସହ ଏକ ସେଲ୍ଫି ସେୟାର କରି ‘ମେଲୋଡ଼ି’ ନାମକ ହାଷ୍ଟାଗ ଟ୍ରେଣ୍ଡର ବ୍ୟବହାର କରିଥିଲେ । ସେବେଠାରୁ ଏହି ଟ୍ରେଣ୍ଡ ବହୁ ଚର୍ଚ୍ଚାରେ ଅଛି । ପୁଣି ଥରେ ଇଟାଲୀର ପିଏମ ଏହି ଟ୍ରେଣ୍ଡ ସହ ଭିଡ଼ିଓ ସେୟାର କରିଛନ୍ତି ଏହି ଭିଡ଼ିଓକୁ ଏକ୍ସରେ ପୁଣି ଥରେ ସେୟାର କରି ପିଏମ୍ ମୋଦୀ ଲେଖିଛନ୍ତି କି, ଭାରତ-ଇଟାଲୀର ବନ୍ଧୁତା ସବୁବେଳେ ବଜାୟ ରହୁ ।
Hi friends, from #Melodi pic.twitter.com/OslCnWlB86
— Giorgia Meloni (@GiorgiaMeloni) June 15, 2024
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଇଟାଲୀର ପିଏମ ଜର୍ଜିୟା ମେଲୋନୀ ଦ୍ବୀପାକ୍ଷିକ ରଣନୀତି ଉପରେ ସମୀକ୍ଷା କରିଥିଲେ । ସେ ଭାରତ- ପଶ୍ଚିମ ଏସିଆ-ୟୁରୋପ ମଧ୍ୟରେ ଆର୍ଥିକ କାରବାର ସହ ବୈଶ୍ବିକ ମଞ୍ଚ ପ୍ରସ୍ତାବ ଉପରେ ସହଯୋଗ କରିବା ଉପରେ ସହମତି ବ୍ୟକ୍ତ କରିଛନ୍ତି । ମୋଦୀଙ୍କ ଦକ୍ଷୀଣ ଇଟାଲୀର ଅପୁଲିୟାର ଏକ ଦିବସୀୟ ଯାତ୍ରା ଶେଷରେ ଶୁକ୍ରବାର ଉଭୟ ନେତାଙ୍କ ମଧ୍ୟରେ ଭେଟ ହୋଇଥିଲା । ଏହି ସମୟରେ ମୋଦୀ ଜି୭ ଶିଖର ସମ୍ମିଳନୀରେ ଆମନ୍ତ୍ରିତ କରିବା ଲାଗି ଇଟାଲୀର ପିଏମଙ୍କୁ ଧନ୍ୟବାଦ ଦେଇଛନ୍ତି।
