ମାଲକାନଗିରି : ମାଲକାନଗିରି ଜିଲ୍ଲା ସଦର ମହକୁମା ସ୍ଥିତ ରିକ୍ଳାମେସନ କଲୋନୀର ଘଟଣା। ଏଠାରେ ଚାନ୍ଦିନୀ ପାଙ୍ଗି ନାମକ ଜଣେ ମହିଳା ଗୁରୁତର ଭାବେ ଟ୍ୟୁମର ରୋଗରେ ପୀଡିତ ହୋଇଥିଲେ। ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ବେଳେ ତାଙ୍କୁ ଏ ପଜିଟିଭ ରକ୍ତର ଆବଶ୍ୟକତା ହୋଇଥିଲା। ରକ୍ତ ପାଇଁ ପରିବାର ଲୋକେ ବହୁ ଚେଷ୍ଟା କରି ବିଫଳ ହୋଇଥିଲେ।
ଏହି ଖବର ପାଇ ବିଜୁ ଜନତା ଦଳର ଜଣେ ଯୁବ ସଦସ୍ୟ ମଣି ଶଙ୍କର ମଣ୍ଡଳ ସାହାଯ୍ୟ କରିଥିଲେ। ସେ ରକ୍ତ ଦେଇ ମହିଳାଙ୍କ ଜୀବନ ବଞ୍ଚାଇ ଥିଲେ। ମହିଳା ଜଣକ ଗରିବ ପରିବାରର ହୋଇଥିବାରୁ, ରକ୍ତ ସଂଗ୍ରହ କରିବାରେ ପରିବାର ଲୋକମାନେ ସମର୍ଥ ନଥିଲେ, ମଣି ଶଙ୍କର ରକ୍ତ ଦେଇ ତାଙ୍କ ଜୀବନ ବଞ୍ଚାଇବା ପରେ ପରିବାର ଲୋକଙ୍କ ମୁହଁରେ ହସ ଫୁଟିଥିଲା।
ମଣି ଶଙ୍କରଙ୍କ ସହ ବିଜୁ ଜନତା ଦଳର ପୂର୍ବତନ ବିଜୁ ଛାତ୍ର ସମ୍ପାଦକ ସତ୍ୟଜିତ ଗୌଡ଼ ଓ କେ ରାହୁଲ ପ୍ରମୁଖ ଅସହାୟ ଓ ଗରିବ ପରିବାରର ଏହି ରୋଗୀଙ୍କୁ ରକ୍ତ ଦେଇ ବଞ୍ଚାଇ ଥିବାରୁ, ରୋଗୀଙ୍କ ପରିବାର ସେମାନଙ୍କୁ କୃତଜ୍ଞତା ଜଣାଇଛନ୍ତି।