ମୁମ୍ବାଇ,୨୫/୧୦: ପାଖେଇ ଆସୁଛି ଦିପାବଳୀ । ଏହି ଅବସରରେ ନିଜେ ନିଜକୁ ଉପହାର ଦେଇଛନ୍ତି ବଲିଉଡ ଅଭିନେତ୍ରୀ ନୁସରତ ଭାରୁଚା । ଯାହା ହଜାରେ କିମ୍ବା ଲକ୍ଷ ନୁହେଁ ବରଂ କୋଟିଏ ଟଙ୍କାର। ତେବେ ଦିପାବଳୀର କିଛିଦିନ ପୂର୍ବରୁ ଅଭିନେତ୍ରୀ ଏକ ରେଞ୍ଜ ରୋଭର କିଣିଛନ୍ତି । ଏହାପରେ ସେ ତାଙ୍କ ନୂଆ ଲଗଜରୀ କାରକୁ ନେଇ ସିଦ୍ଧବିନାୟକ ମନ୍ଦିରକୁ ଯାଇଛନ୍ତି । ଯାହାର ଫଟୋ ଓ ଭିଡିଓ ସାମ୍ନାକୁ ଆସିଛି । 

ତେବେ ନୁସରତ ମୁମ୍ବାଇରେ ଏକ କଳା ରେଞ୍ଜ ରୋଭର ସ୍ପୋର୍ଟରେ ଯାତ୍ରା କରୁଥିବା ଦେଖିବାକୁ ମିଳିଥିଲା। ଯାହାର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଅଭିନେତ୍ରୀ ଏହି କାରକୁ ପ୍ରାୟ ୨ କୋଟି ଟଙ୍କା ମୂଲ୍ୟରେ କିଣିଥିବା ଜଣାପଡିଛି । ତେବେ ତାଙ୍କୁ ଏନେଇ ସୋସିଆଲ ମିଡିଆରେ ଫ୍ୟାନ୍ସ ଶୁଭେଚ୍ଛା ଜଣାଇଥିବା ବେଳେ ସେମାନଙ୍କୁ ଧନ୍ୟବାଦ ଜଣାଇଛନ୍ତି ଅଭିନେତ୍ରୀ। ପ୍ରକାଶ ଥାଉକି, ୨୦୦୬ ମସିହାରେ ସନ୍ତୋଶୀ ମା’ରେ ନୁସରତଙ୍କୁ ପ୍ରଥମ ଥର ଦେଖିବାକୁ ମିଳିଥିଲା ।କିନ୍ତୁ ପରେ ସେ  ପ୍ୟାର୍ କା ପଞ୍ଚନାମା ଫିଲ୍ମ (୨୦୧୧) ରୁ ଫେମ୍‌ ପାଇଥିଲେ। ଏହା ପରେ ସେ ସୋନୁ କେ ଟିଟୁ କି ସ୍ଵିଟି, ଡ୍ରିମ୍ ଗାର୍ଲ ପରି ଅନେକ ହିଟ୍ ଫିଲ୍ମରେ ଅଭିନୟ କରିଛନ୍ତି। ତାଙ୍କୁ ୨୦୨୩ ମସିହାରେ ମୁକ୍ତିଲାଭ କରିଥିବା ଥ୍ରୀଲର ଚଳଚ୍ଚିତ୍ର ଆକେଲିରେ ଶେଷ ଥର ପାଇଁ ଦେଖିବାକୁ ମିଳିଥିଲା। ତେବେ ନୁସରତଙ୍କ ଶେଷ ହିଟ୍ ଫିଲ୍ମ ୨୦୧୯ରେ ଡ୍ରିମ୍ ଗାର୍ଲ ।