ମାଲକାନଗିରି, ୨୧/୧୦ : ପୁରୀ ଶ୍ରୀକ୍ଷେତ୍ର ଧାମରୁ ମାଲକାନଗିରି ଅଭିମୁଖେ ଫେରୁଥିବା ଶ୍ରୀଜଗନ୍ନାଥ ଏକ୍ସପ୍ରେସ ବସକୁ ରବିବାର ରାତିରେ ମୋହନା ନିକଟରେ ଅନ୍ୟ ଏକ ବସ୍ ପଛରୁ ଧକ୍କା ଦେଇଛି। ଶ୍ରୀ ଜଗନ୍ନାଥ ଏକ୍ସପ୍ରେସଟି ଦୁର୍ଘଟଣା ପରେ ରାସ୍ତା କଡକୁ ଗଡିଯାଇଥିବା ବେଳେ ଧକ୍କା ଦେଇଥିବା ବସଟି ଓଲଟି ପଡିଛି। ତେବେ ଉଭୟ ବସରେ ଯାତ୍ରୀ ସୁରକ୍ଷିତ ଅଛନ୍ତି।
ରବିବାର ପୁରୀ ଶ୍ରୀକ୍ଷେତ୍ର ଧାମରୁ ମାଲକାନଗିରି ଅଭିମୁଖେ ଫେରୁଥିବା ଶ୍ରୀଜଗନ୍ନାଥ ଏକ୍ସପ୍ରେସ ବସଟି ମୋହନା ଠାରୁ କିଛି ଦୂର ରେ ଯାତ୍ରୀ ଓହ୍ଲାଉ ଥିଲା। ଏହି ସମୟରେ ପଛରୁ ମହାକାଳ ନାମକ ଏକ ଘରୋଇ ବସ ଧକ୍କା ଦେଇଥିଲା। ଫଳରେ ଜଗନ୍ନାଥ ଏକ୍ସପ୍ରେସ ବସଟି କିଛି ଦୂର ଗଡ଼ି ଜଙ୍ଗଲ ରାସ୍ତା କଡକୁ ଢଳିପଡିଥିଲା। ଡ୍ରାଇଭର ଙ୍କ ଉପସ୍ଥିତ ବୁଦ୍ଧି ଯୋଗୁଁ ବସରେ ଥିବା ପ୍ରାୟ ୪୨ରୁ ଉର୍ଦ୍ଧ ଯାତ୍ରୀ ଅଳ୍ପକେ ଵର୍ତ୍ତି ଯାଇ ଥିବା ବେଳେ ବସର ଏସି ଚ୍ୟାମ୍ବର ଭାଙ୍ଗି ଯାଇଥିଲା। ଓଏସ ଆରଟି ବିଭାଗ ପକ୍ଷରୁ ଅନ୍ୟ ବସରେ ସମସ୍ଥ ଯାତ୍ରୀ ଙ୍କୁ ସେମାନଙ୍କ ଗନ୍ତବ୍ୟ ପଥକୁ ପଠା ଯାଇଥିଲା।ଅପରପକ୍ଷରେ ମହାକାଳ ବସଟି ସମ୍ପୂର୍ଣ୍ଣ ରୂପେ ଓଲଟି ପଡି ଥିଲା। ତେବେ ଉଭୟ ବସରେ ଥିବା ଯାତ୍ରୀ ସମସ୍ତେ ସୁରକ୍ଷିତ ଅଛନ୍ତି।