ମାଲକାନଗିରି : ମାଲକାନଗିରି ଜିଲ୍ଲାରେ ୩୮୦୯୯୩ଟି ଦୀର୍ଘସ୍ଥାୟୀ କୀଟନାଶକ ଉପଚାରିତ ମଶାରୀ (ଏଲଏଲଆଇଏନ୍) ବଣ୍ଟନ ପାଇଁ ଜିଲ୍ଲା ସ୍ତରୀୟ ସମନ୍ଵୟ କମିଟି ବୈଠକ। ଜିଲ୍ଲାପାଳ ଆଶିଷ ଈଶ୍ୱର ପାଟିଲଙ୍କ ଅଧ୍ୟକ୍ଷତାରେ ଜିଲ୍ଲା ପରିଷଦ ସଭାଗୃହ ଠାରେ ଉକ୍ତ ବୈଠକ ଅନୁଷ୍ଠିତ ହୋଇ ଯାଇଛି l ଆଜିର ଏହି ବୈଠକରେ ଜିଲ୍ଲା ମୁଖ୍ୟ ଚିକିତ୍ସା ଏବଂ ଜନ ସ୍ୱାସ୍ଥ୍ୟ ଅଧିକାରୀ ଡ଼. ବ୍ରଜବନ୍ଧୁ ଦାଶ, ଅତିରିକ୍ତ ଜନ ସ୍ୱାସ୍ଥ୍ୟ ଅଧିକାରୀ ( ମଶା ବାହିତ) ଡ଼. କବିତା ସ୍ୱାଇଁ ଓ ସମସ୍ତ ଜିଲ୍ଲା ସ୍ତରୀୟ ସ୍ୱାସ୍ଥ୍ୟ ଅଧିକାରୀ ଏହି ସଭାରେ ଉପସ୍ଥିତ ରହି ଆଲୋଚନା କରିଥିଲେ।
ମାଲକାନଗିରି ଜିଲ୍ଲାରେ ପୁଣି ମ୍ୟାଲେରିଆ ଜ୍ଵର ବୃଦ୍ଧି ପାଉ ଥିବାରୁ ଜିଲ୍ଲାକୁ ରାଜ୍ୟ ସରକାରଙ୍କ ପକ୍ଷରୁ ୪୧୫୯୯୩ଟି ମଶାରୀ ଯୋଗାଇ ଦେଇଛନ୍ତିl ଜିଲ୍ଲାରେ ୧୨୪୯ଟି ମଶାରୀ ବିତରଣ କେନ୍ଦ୍ରରେ ୩୮୦୯୯୩ଟି ମଶାରୀ ବଣ୍ଟନ କରାଯିବl ଜିଲ୍ଲାରେ ୨୨୪୨ ରାଜସ୍ୱ ଓ ପଡାଗ୍ରାମରେ ଆସନ୍ତା ନଭେମ୍ବର ୧୮ ରୁ ଡିସେମ୍ବର ୨୧ ପର୍ଯ୍ୟନ୍ତ ଏହି ମଶାରୀ ବଣ୍ଟନ କାର୍ଯ୍ୟକ୍ରମ ଚାଲିବ ବୋଲି ନିଷ୍ପତ୍ତି ନିଆ ଯାଇଛି।
ଏହି ବୈଠକରେ ଅନ୍ୟମାନଙ୍କ ମଧ୍ୟରେ ,ଅତିରିକ୍ତ ଆରକ୍ଷୀ ଅଧିକ୍ଷକ ତପନ ନାରାୟଣ ରଥ, ଜିଲ୍ଲା ପରିବହନ ଅଧିକାରୀ ଭାଗିରଥୀ ନାୟକ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ପ୍ରମିଳା ମାଝୀ,,ଅତିରିକ୍ତ ବନ ଖଣ୍ଡିୟ ଅଧିକାରିଣୀ ମୁନ ସୁନ ଖେମୁଡୁ, ଜିଲ୍ଲା ଶିକ୍ଷା ଅଧିକାରି, ଜିଲ୍ଲା ମଙ୍ଗଳ ଅଧିକାରୀ, ଜିଲ୍ଲା ସମାଜ କଲ୍ୟାଣ ଅଧିକାରୀ,ଓ ସ୍ୱାସ୍ଥ୍ୟ ବିଭାଗର ଜିଲ୍ଲା ପ୍ରକଳ୍ପ ପରିଚାଳିକା ଓ ଅନ୍ୟାନ୍ୟ ସ୍ୱାସ୍ଥ୍ୟ ବିଭାଗର ଅଧିକାରୀ ଓ ପରାମର୍ଶ ଦାତା ଉପସ୍ଥିତ ଥିଲେ।
ଏହି ସଭାକୁ ଜିଲ୍ଲା ମଶା ବାହିତ ପରାମର୍ଶଦାତା ଅଜିତ କୁମାର ଦଳାଇ ପରିଚାଳନା କରିଥିଲେ ଏବଂ ଜିଲ୍ଲାର ମଶାରୀ ବଣ୍ଟନର କାର୍ଯ୍ୟ ସୂଚୀ ଯୋଜନା କମିଟି ସମ୍ମୁଖରେରେ ଉପସ୍ଥାପନା କରିଥିଲେ।