ବୌଦ୍ଧ, ୧୪।୭: ବୌଦ୍ଧ ଜିଲ୍ଲାରୁ ବାହାର ଜିଲ୍ଲାକୁ ବେଆଇନ ଭାବେ ହେଉଥିବା ବାଲି ଚାଲାଣ ଉପରେ ପୋଲିସର ଚଢ଼ାଉ । ୪ଟି ବାଲି ବୋଝେଇ ହାଇୱା ଜବତ । ହାଇୱାଗୁଡ଼ିକୁ ଜବତ କଲା ଆଦର୍ଶ ଥାନା ପୋଲିସ । ବୌଦ୍ଧରୁ ରେଢ଼ାଖୋଲ ଚାଲାଣ ବେଳେ ବ୍ରିଜ୍ ଛକରେ ଚଢ଼ାଉ । ସମସ୍ତ ଡ୍ରାଇଭରଙ୍କୁ ଅଟକ ରଖି ପଚରାଉଚରା ଜାରି ରହିଛି । 

ସୂଚନା ଅନୁଯାୟୀ, ଶନିବାର ବିଳମ୍ବିତ ରାତିରେ ସହର ମଧ୍ୟରେ ଆଦର୍ଶ ଥାନା ପୋଲିସ ପାଟ୍ରୋଲିଂ କରୁଥିବା ସମୟରେ ୪ଟି ବାଲି ବୋଝେଇ ହାଇୱା ଯାଉଥିବା ଦେଖିଥିଲେ । ହାଇୱାକୁ ଅଟକାଇ କାଗଜପତ୍ର ଯାଞ୍ଚ କରିବାକୁ ବାଲି ଚାଲାଣର କୌଣସି କାଗଜପତ୍ର ନଥିବାରୁ ଗାଡ଼ିକୁ ଜବତ କରାଯାଇଥିଲା । ତେବେ କାଲେଶ୍ୱର ବାଲି ଘାଟରୁ ଏହି ଗାଡ଼ିଗୁଡ଼ିକ ବେଆଇନ ଭାବେ ବାଲି ବୋଝେଇ କରି ଚାଲାଣ କରୁଥିବା ନେଇ ଖବର ପାଇ ପୋଲିସ ଉକ୍ତ ବାଲି ଘାଟରେ ଚଢ଼ାଉ କରି ସେଠାରୁ ମଧ୍ୟ ୪ଟି ହାଇୱା ଜବତ କରିଛି । ତେବେ ସମସ୍ତଗାଡ଼ିକୁ ଜବତ କରି ପୋଲିସ ଡ୍ରାଇଭରମାନଙ୍କୁ ଅଟକ ରଖି ପଚରା ଉଚରା ଜାରି ରଖିଛି ।