କିଏଭ୍,୦୮/୭: ଗତ ୨୪ ଘଣ୍ଟା ଭିତରେ ୟୁକ୍ରେନ ଉପରେ ୫୫ଟି ଏୟାର ଷ୍ଟ୍ରାଇକ୍ କରିଛି ରୁଷ । ରୁଷ ସେନା ୟୁକ୍ରେନର ବିଭିନ୍ନ ସହର ଉପରେ ୬ଟି ରକେଟ ମାଡ଼ କରିବା ସହ ୭୦ରୁ ଅଧିକ ଗ୍ଲାଇଡ ବୋମା ପକାଇଛି । ଏଥିରେ ୧୧ ଜଣଙ୍କ ମୃତ୍ୟୁ ହୋଇଥିଲା ବେଳେ ୪୦ରୁ ଅଧିକ ଲୋକ ଆହତ ହୋଇଛନ୍ତି ।
ୟୁକ୍ରେନ ଅଧିକାରୀଙ୍କ ସୂଚନା ଅନୁସାରେ ରୁଷ ରାତି ତମାମ ରହି ରହି ପ୍ରଚଣ୍ଡ ବୋମା ମାଡ଼ କରିଥିଲା । ଉତ୍ତର ୟୁକ୍ରେନରେ ଥିବା ଏକ ବିଦ୍ୟୁତ ଷ୍ଟେସନ ଉପରେ ବୋମା ମାଡ଼ ଯୋଗୁ ତାହା ବ୍ୟାପକ କ୍ଷୟକ୍ଷତି ହୋଇଛି । ଫଳରେ ୧ ଲକ୍ଷରୁ ଅଧିକ ଲୋକ ବିଦ୍ୟୁତ ସେବାରୁ ବଞ୍ଚିତ ହୋଇଛନ୍ତି । ସେହି ଅଞ୍ଚଳରେ ରୁଷ ବାରମ୍ବାର ବୋମା ମାଡ଼ ଜାରି ରଖିଥିବାରୁ ବିଦ୍ୟୁତ ଷ୍ଟେସନର ମରାମତି କରିବା ସମ୍ଭବ ହୋଇପାରି ନାହିଁ । ରୁଷ ସୈନ୍ୟମାନେ ଡ୍ରୋନ ସହାୟତାରେ ପାଟି ଟାଙ୍କିଗୁଡିକୁ ଟାର୍ଗେଟ କରୁଛନ୍ତି । ପାଟି ଟାଙ୍କି ନଷ୍ଟ ହେବା ଫଳରେ ଲୋକଙ୍କୁ ପିଇବା ଲାଗି ପାଣି ମିଳିପାରୁ ନାହିଁ । ଅନ୍ୟପକ୍ଷରେ ୟୁକ୍ରେନ ସେନା ରୁଷର ୨୭ଟି ଡ୍ରୋନ ମଧ୍ୟରୁ ୨୪ଟିକୁ ଗୁଳିକରି ଖସାଇ ଦେଇଥିବା ଦାବି କରିଛନ୍ତି ।
