ନୂଆଦିଲ୍ଲୀ,୧୬ /୦୪: ହିଟ୍ମ୍ୟାନଙ୍କୁ ସମ୍ମାନ । ୱାଙ୍ଖଡ଼େ ଷ୍ଟାଡିୟମ୍ର ରୋହିତ ଶର୍ମାଙ୍କର ଷ୍ଟାଣ୍ଡର ନାମକରଣ ହେବ । ଭାରତୀୟ କ୍ରିକେଟ୍ ଦଳର ଅଧିନାୟକ ଭାବେ ୨ଟି ଆଇସିସି ଟ୍ରଫି ଜିତିଥିବା ମୁମ୍ବାଇ କ୍ରିକେଟ୍ ଖେଳାଳି ରୋହିତ ଶର୍ମାଙ୍କୁ ମୁମ୍ବାଇ କ୍ରିକେଟ୍ ଆସୋସିଏସନ୍ ପକ୍ଷରୁ ଏହି ସ୍ୱତନ୍ତ୍ର ସମ୍ମାନ ପ୍ରଦାନ କରାଯିବ ।
ରୋହିତଙ୍କ ନାମରେ ୱାଙ୍ଖଡ଼େ ଷ୍ଟାଡିୟମ୍ର ଏକ ଷ୍ଟାଣ୍ଡର ନାମକରଣ କରାଯିବ ବୋଲି ମଙ୍ଗଳବାର ଅନୁଷ୍ଠିତ ବାର୍ଷିକ ସାଧାରଣ ବୈଠକ ଅବସରରେ ଘୋଷଣା କରାଯାଇଛି । ରୋହିତଙ୍କ ବ୍ୟତୀତ ମୁମ୍ବାଇ କ୍ରିକେଟ୍ ସହ ଜଡ଼ିତ ଅନ୍ୟ କିଛି ବ୍ୟକ୍ତିଙ୍କ ନାମରେ ମଧ୍ୟ କିଛି ଷ୍ଟାଣ୍ଡର ନାମକରଣ କରାଯିବ । ଦିଭେଚା ପାଭିଲିୟନ (ଲେଭଲ-୩)ର ନାମ ପରିବର୍ତ୍ତନ କରାଯାଇ ରୋହିତ ଶର୍ମା ଷ୍ଟାଣ୍ଡ ରଖାଯିବ । ସେହିପରି ଗ୍ରାଣ୍ଡ ଷ୍ଟାଣ୍ଡ (ଲେଭଲ-୩)ର ନାମ ପୂର୍ବତନ ବିସିସିଆଇ ଅଧ୍ୟକ୍ଷ ତଥା ଶରଦ ପାୱାର ଷ୍ଟାଣ୍ଡ ଓ ଲେଭଲ-୪ର ନାମ ପୂର୍ବ ଭାରତୀୟ ଅଧିନାୟକ ଅଜିତ ୱାଦେକର ଷ୍ଟାଣ୍ଡ ରଖାଯିବ ।
ଅଧିକ ପଢନ୍ତୁ...ମୀରାବାଈ ଚାନୁଙ୍କୁ ଗୁରୁ ଦାୟିତ୍ୱ, ଭାରଉତ୍ତୋଳନ ସଂଘର ଅଧ୍ୟକ୍ଷା ହେଲେ
ରୋହିତ ଶର୍ମାଙ୍କ ନେତୃତ୍ୱରେ ଭାରତ ୨୦୨୪ ଟି-ଟ୍ୱେଣ୍ଟି ଚାମ୍ପିଅନ ହୋଇଥିଲା । ୨୦୨୫ ଚମ୍ପିଆନ୍ସ ଟ୍ରଫି ମଧ୍ୟ ରୋହିତଙ୍କ ଅଧିନାୟକତ୍ୱରେ ଜିତିଥିଲା ଟିମ୍ ଇଣ୍ଡିଆ । ତାଙ୍କୁ ସମ୍ମାନ ଦେବାକୁ ଏମସିଏ ରୋହିତଙ୍କ ନାମରେ ଷ୍ଟାଣ୍ଟ କରିବାକୁ ନିଷ୍ପତ୍ତି ନେଇଛି । ପୂର୍ବରୁ ମାଷ୍ଟରବ୍ଲାଷ୍ଟର ସଚିନ୍ ତେନ୍ଦୁଲକରଙ୍କ ନାମରେ ମଧ୍ୟ ୱାଙ୍ଖଡ଼େରେ ଷ୍ଟାଣ୍ଡ ହୋଇଥିଲା ।
