ନୂଆଦିଲ୍ଲୀ,୧୫।୪: ହରିୟାଣା ଶିକୋହପୁର ଜମି ଦୁର୍ନୀତି ମାମଲାରେ ରବର୍ଟ ଭଦ୍ରାଙ୍କୁ ଇଡିର ସମନ । କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀଙ୍କ ସ୍ବାମୀ ରବର୍ଟ ଭଦ୍ରାଙ୍କୁ ଇଡିର ଦ୍ବିତୀୟ ଥର ପାଇଁ ସମନ । ପୂର୍ବରୁ ଏପ୍ରିଲ ୮ ତାରିଖରେ ଇଡି ସମନ କରିଥିବା ବେଳେ ହାଜର ହୋଇନଥିଲେ ରବର୍ଟ । ତେବେ ଆଜି ଇଡି କାର୍ଯ୍ୟାଳୟରେ ହୋଇଛନ୍ତି ହାଜର। ନିଜ ବାସଭବନରୁ ଚାଲିଚାଲି ଆସି ଇଡି କାର୍ୟ୍ୟାଳୟରେ ପହଞ୍ଚିଥିଲେ ଶିଳ୍ପପତି ରବର୍ଟ ଭଦ୍ରା ।
ହରିୟାଣା ଶିକୋହପୁର ଜମି ଦୁର୍ନୀତି ମାମଲାରେ ଇଡି ପୂର୍ବରୁ ଏପ୍ରିଲ ୮ ତାରିଖରେ ସମନ କରିଥିଲା ମାତ୍ର ସେ ହାଜର ହୋଇନଥିଲେ । କିନ୍ତୁ ଆଜି ଦ୍ବିତୀୟ ଥର ପାଇଁ ସମନ କରିବା ପରେ ହାଜର ପାଇଁ ଆସିଛନ୍ତି କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀଙ୍କ ସ୍ବାମୀ ରବର୍ଟ ଭଦ୍ରା।ତେବେ ହାଜର ପୂର୍ବରୁ ବିଜେପି ସରକାର ଉପରେ ବର୍ଷିଛନ୍ତି ରବର୍ଟ । କହିଛନ୍ତି, ଯେବେଯେବେ ଆମେ ଲୋକଙ୍କ କଥା କହିବୁ ଆମ ସ୍ବରକୁ ଚାପିବାକୁ ଏମାନେ ଚେଷ୍ଟା କରିବେ । ସଂସଦରେ ରାହୁଲଙ୍କ ସ୍ବର ଆଉ ଏଠି ମୋ ସ୍ବର ଚାପିଦେବାକୁ ଚେଷ୍ଟା ଚାଲିଛି । ଯଦି ମୁଁ ଲୋକଙ୍କ ହକ୍ର କଥା କହିବି ଏମାନେ ଇଡି ଭଳି ଏଜେନ୍ସିର ଦୂରୁପଯୋଗ କରିବେ । ଏହା କେବଳ ରାଜନୈତିକ ପ୍ରତିଶୋଧ ।
ଉଲ୍ଲେଖନୀୟ ଯେ,ଗୁରୁଗ୍ରାମରେ ଏକ କଲୋନୀ ନିର୍ମାଣ ପାଇଁ ଭଦ୍ରାଙ୍କୁ ୩.୫୩ ଏକର ଜମିକୁ ୭.୫୦ କୋଟି ଟଙ୍କାରେ ଦିଆଯାଇଥିଲା । ଏହା ନିର୍ମାଣ କରିବାକୁ ହରିୟାଣା ସରକାର ଲାଇସେନ୍ସ ମଧ୍ୟ ଦେଇଥିଲେ। ଏଥିସହ ୨.୭୦ ଏକର ଜମିକୁ ବ୍ୟବସାୟିକ କଲୋନୀ ନିର୍ମାଣ ପାଇଁ ବି ଅନୁମତି ମଧ୍ୟ ପ୍ରଦାନ କରିଥିଲେ। ହେଲେ ରବର୍ଟ ଭଦ୍ରାଙ୍କ କମ୍ପାନୀ ସ୍କାଇଲାଇଟ୍ ହସ୍ପିଟାଲିଟି ପ୍ରାଇଭେଟ ଲିମିଟେଡ କଲୋନୀ ତିଆରି କରିନଥିଲା। ଏହା ବଦଳରେ ୨୦୧୨ରେ ଡିଏଲଏଫ ୟୁନିଭର୍ସାଲ କମ୍ପାନୀକୁ ୫୮ କୋଟି ଟଙ୍କାରେ ଉକ୍ତ ଜମିକୁ ବିକି ଦେଇଥିଲେ । ଯେଉଁ କାରଣରୁ ଭଦ୍ରାଙ୍କୁ ଇଡି ସମନ କରିଛି ।
