ଫିରିଙ୍ଗିଆ, ୨୯/୦୩ : ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରାପଡିଲେ ରାଜସ୍ୱ ନିରୀକ୍ଷକ I ଧରା ପଡ଼ିଥିବା ରାଜସ୍ୱ ନିରୀକ୍ଷକ ଜଣକ ହେଉଛନ୍ତି ଦେବାଶିଷ ନାଏକ I ସେ କନ୍ଧମାଳ ଜିଲ୍ଲା ଫିରିଙ୍ଗିଆ ତହସିଲ ଅଧୀନରେ  କ୍ରାଣ୍ଡିବାଲି ରାଜସ୍ୱ ନିରୀକ୍ଷକ ଭାବେ କାର୍ଯ୍ୟ କରୁଥିଲେ I 

ଫିରିଙ୍ଗିଆ ବ୍ଲକ ପାହିରେଜୁ ପଞ୍ଚାୟତ ଅଧୀନରେ ଥିବା କୁସ୍ପାଜୁ ଗାଁର ସୁଦର୍ଶନ କହଁର ଆବାସ ଯୋଜନାରେ ରାଜ୍ୟ  ସରକାରଙ୍କ ତରଫରୁ ପାଇଥିବା ଗୃହ ନିର୍ମାଣ ପାଇଁ  ଇଟା ଭାଟି କରିଥିଲେ I ସମ୍ପୃକ୍ତ ଆରଆଇ ଜଣକ ଏହି ଇଟାଭାଟି ବେଆଇନ ଭାବରେ କରିଛ କହି ଧମକଚମକ ଦେଇଥିଲେ I ପରେ ସାତ ହଜାର ଟଙ୍କା ଦେଲେ କିଛି ହବନି କହି ଲାଞ୍ଚ ମାଗିଥିଲେ I ଏହି ଘଟଣାକୁ ନେଇ ସୁଦର୍ଶନ ଭିଜିଲାନ୍ସ ବିଭାଗର   ଦ୍ୱାରସ୍ଥ ହୋଇଥିଲେ I ଯୋଜନା ମୁତାବକ ଫୁଲବାଣୀ ଭିଜିଲାନ୍ସ ଡ଼ିଏସପି ହେମନ୍ତ କୁମାର ମହାନ୍ତିଙ୍କ ସହ ଏକ ଟିମ ପ୍ରସ୍ତୁତ ହୋଇ କ୍ରାଣ୍ଡିବାଲି ପଞ୍ଚାୟତ କାର୍ଯ୍ୟାଳୟ ପରିସରରେ ଥିବା ରାଜସ୍ୱ ନିରୀକ୍ଷକ କାର୍ଯ୍ୟାଳୟରେ ଜଗି ରହିଥିଲେ।  ରାଜସ୍ୱ ନିରୀକ୍ଷକ ଜଣକ ସୁଦର୍ଶନଙ୍କ ଠାରୁ ସାତ ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ଟିମ ମାଡି ବସିଥିଲେ। ଅଧିକ ପଚରା ଉଚୁରା ପାଇଁ ପ୍ରଥମେ ତାଙ୍କୁ ଫିରିଙ୍ଗିଆ ତହସିଲ କାର୍ଯ୍ୟାଳୟକୁ ଅଣାଯାଇଥିଲା । ସେଠାରୁ ଫୁଲବାଣୀ ଭିଜିଲାନ୍ସ କାର୍ଯ୍ୟାଳୟକୁ ନେଇ ପଚରାଉଚୁରା କରାଯାଉଥିବା ବିଭାଗ ତରଫରୁ ସୂଚନା ମିଳିଛି I