ପୁରୀ,୦୯/୦୭: ଶେଷ ହୋଇଛି ଦୁଇ ଦିନିଆ ଶ୍ରୀଗୁଣ୍ଡିଚା ଯାତ୍ରା । ଗୁଣ୍ଡିଚା ମନ୍ଦିର ସମ୍ମୁଖରେ ପହଞ୍ଚି ଯାଇଛି ୩ ରଥ । ଏବେ ଦେଶବିଦେଶରୁ ଆସିବେ ଭକ୍ତ । ଗୁଣ୍ଡିଚା ମନ୍ଦିର ଓ ଶରଧାବାଲିରେ ଲାଗିବ ଭିଡ଼ । ତେଣୁ ଶ୍ରଦ୍ଧାଳୁ ଯେଭଳି ଅତି ସହଜରେ ବଡ଼ଦାଣ୍ଡକୁ ଆସି ଗୁଣ୍ଡିଚା ମନ୍ଦିର ଆଡ଼ପ ମଣ୍ଡପରେ ମହାପ୍ରଭୁଙ୍କ ଦର୍ଶନ କରି ସକରାତ୍ମକ ଅନୁଭୂତି ନେଇ ଫେରିବେ ସେଥିପାଇଁ ବ୍ୟବସ୍ଥା କରିଛି ପୁଲିସ । ବଦଳିଛି ଟ୍ରାଫିକ୍ ବ୍ୟବସ୍ଥା । କଟକଣା କୋହଳ କରାଯାଇଥିବା ନେଇ ଶରଧାବାଲି ସ୍ଥିତ ଗୁଣ୍ଡିଚା ବାଡ଼ି ଉପ ନିୟନ୍ତ୍ରଣ କକ୍ଷଠାରେ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୁଲିସ ଅଧୀକ୍ଷକ ଓପିଏସ୍(ଏସ୍ଏଜି) ଡ.ଭବାନୀକାନ୍ତ ପଟ୍ଟନାୟକ ।
୯ ତାରିଖରୁ ଆସନ୍ତା ୧୪ ତାରିଖ ଯାଏଁ ଜାରି ହୋଇଥିବା ଏହି ଟ୍ରାଫିକ୍ ବ୍ୟବସ୍ଥା ଅନୁସାରେ ଭୁବନେଶ୍ୱର ପାଶ୍ୱର୍ରୁ ଆସୁଥିବା ବାଇକ ଡାକ୍ତରଖାନା ଛକ ଦେଇ ବଡ଼ଦାଣ୍ଡକୁ ଆସି ବଳଗଣ୍ଡିଠାରେ ପାର୍କିଂ କରିବ । ପାସ୍ଧାରୀ ଚାରିଚକିଆ ଯାନ ଜେଲ୍ ରେଡ୍ ସ୍ଥିତ ବହୁତଳ ପାର୍କିଂରେ ରହିବ । ବିନା ପାସ୍ଧାରୀ ଯାନ ମାଳତୀପାଟପୁର ଆର୍ଓବି ଦେଇ ତାଳବଣିଆ ଯିବ । ଭୁବନେଶ୍ୱର ପାଶ୍ୱର୍ରୁ ଆସୁଥିବା ନିୟମିତ ଯାତ୍ରୀବାହୀ ବସ୍ ଅଠରନଳାରୁ ନବକଳେବର ରୋଡ୍, ମାଟିଆପଡ଼ା ଛକ, ଗୁଣ୍ଡିଚା ମନ୍ଦିର ପଛ ପାଶ୍ୱର୍ ଦେଇ ପୌରସଂସ୍ଥା ବସ୍ଷ୍ଟାଣ୍ଡ୍କୁ ଯିବ । ରାଜ୍ୟ ବାହାର ବସ୍ଗୁଡ଼ିକ ମାଳତୀପାଟପୁର ବସ୍ଷ୍ଟାଣ୍ଡ୍ରେ ପାର୍କିଂ ହେବ ।
ସେହିପରି ଗୋପ ଓ କୋଣାର୍କ ପାଶ୍ୱର୍ରୁ ଆସୁଥିବା ନିୟମିତ ଯାତ୍ରୀବାହୀ ବସ୍ ପୁରୀ ପୌରସଂସ୍ଥା ବସ୍ଷ୍ଟାଣ୍ଡ୍କୁ ଯିବ । ବିନା ପାସ୍ଧାରୀ ଚାରିଚକିଆ ଯାନ ତାଳବଣିଆ ଠାରେ ପାର୍କିଂ କରିବ । ପାସ୍ଧାରୀ ଚାରିଚକିଆ ଯାନ ସିଟି ରୋଡ୍, ଡାକ୍ତରଖାନା ଛକ ଦେଇ ଜେଲ୍ ରୋଡ୍ ପାର୍କିଂକୁ ଯିବ । ବାଇକ ବଡ଼ଦାଣ୍ଡ ବଳଗଣ୍ଡି ଠାରେ ପାର୍କିଂ କରିବ । ବ୍ରହ୍ମଗିରି ପାଶ୍ୱର୍ରୁ ଆସୁଥିବା ନିୟମିତ ଯାତ୍ରୀବାହୀ ବସ୍ ଗୁଣ୍ଡିଚା ପୌରସଂସ୍ଥା ବସ୍ଷ୍ଟାଣ୍ଡ୍କୁ ଯିବ । ବାଇକ ବଡ଼ଦାଣ୍ଡ ବଳଗଣ୍ଡି ଠାରେ ପାର୍କିଂ କରିବ । ବିନା ପାସ୍ଧାରୀ ଚାରିଚକିଆ ଯାନ ମାଳତୀପାଟପୁର ଆର୍ଓବି ଦେଇ ତାଳବଣିଆ ଯିବ । ପାସ୍ଧାରୀ ଚାରିଚକିଆ ଯାନ ଜେଲ୍ ରୋଡ୍ ପାର୍କିଂକୁ ଯିବ । ଅନ୍ୟପଟେ ସହରକୁ ଆସୁଥିବା ଭାରିଯାନ ରାତି ୧୨ଟାରୁ ସକାଳ ୬ଟା ମଧ୍ୟରେ ପ୍ରବେଶ କରି ପାରିବ । ସାମ୍ବାଦିକ ସମ୍ମିଳନୀରେ ଦେବବ୍ରତ୍ତ ଚକ୍ର ଉପସ୍ଥିତ ଥିଲେ ।
