ଚଣ୍ଡିଖୋଲ,୧୮/୦୭: ଆକ୍ସନ ମୋଡରେ ରାଜ୍ୟ ଖଣି ବିଭାଗ। ଯାଜପୁର ଜିଲ୍ଲା ଧର୍ମଶାଳା ତହସିଲର ବିଭିନ୍ନ କଳା ପଥର ଖାଦାନରେ ଚଢାଉ। କ୍ରସର ସିଲ୍ ଏବଂ ପ୍ରୋକଲିନ ଜବତ।
ସୂଚନା ଅନୁଯାୟୀ, ଗୁରୁବାର ଧର୍ମଶାଳା ବିଧାୟକ ହିମାଂଶୁ ଶେଖର ସାହୁଙ୍କ ଆବେଦନ କ୍ରମେ ରାଜ୍ୟ ଖଣି ବିଭାଗ ଅନେକ ସ୍ଥାନରେ ଚଢାଉ କରିଛି। ଧର୍ମଶାଳା ତହସିଲର ଲୁଣିବର, ଚଡେଇଧରା, ଡଙ୍କାରି ଆଦି ଅଞ୍ଚଳରେ ଥିବା କଳା ପଥର ଖଣି ଉପରେ ଚଢାଉ ହୋଇଛି। ଏହି ଚଢାଉ ରାଜ୍ୟ ଖଣି ବିଭାଗ ଯୁଗ୍ମ ନିର୍ଦ୍ଦେଶକ ଏନ ଏନ ସିଂହଦେଓଙ୍କ ନେତୃତ୍ୱ କରାଯାଇଛି। ଏହି ସମୟରେ ବିଧାୟକ ହିମାଂଶୁ ଶେଖର ସାହୁ, ଡେପୁଟି ଡାଇରେକ୍ଟର ଟି.ବି ମୁଣ୍ଡା, ଜିଲ୍ଲା ଖଣି ଅଧିକାରୀ ଜୟ ପ୍ରକାଶ ନାୟକ ପ୍ରମୁଖ ବିଭିନ୍ନ ଖାଦାନ ବୁଲି ଦେଖିଥିଲେ । ଏଥି ସହିତ ଗୋଟିଏ କ୍ରସରକୁ ସିଲ୍ ଏବଂ ଗୋଟିଏ ପ୍ରୋକଲିନ ମେସିନ ଜବତ କରିଛନ୍ତି। ଏହାର ଏକ ପ୍ରାଥମିକ ଆକଳନ କରାଯିବ । ପରେ ଏନେଇ ପଦକ୍ଷେପ ନିଆଯିବ ବୋଲି କହିଛନ୍ତ ଖଣି ବିଭାଗର ଯୁଗ୍ମ ନିର୍ଦ୍ଦେଶକ ।