ହିନ୍ଦୁ ଧର୍ମରେ ରାହୁ-କେତୁଙ୍କୁ ଛାୟା ଗ୍ରହ ଭାବରେ ବିବେଚନା କରାଯାଏ । ଏହି ଦୁଇ ଗ୍ରହ ମିଛ ଗ୍ରହ ବୋଲି ମଧ୍ୟ ଜଣାଶୁଣା । ଯେତେବେଳେ ଏହି ଗ୍ରହ କୌଣସି ରାଶିରେ ପ୍ରବେଶ କରନ୍ତି, ସେହି ରାଶିର ବ୍ୟକ୍ତିଙ୍କ ଜୀବନରେ ବିଶୃଙ୍ଖଳା ସୃଷ୍ଟି କରିଥାନ୍ତି । ଯେକୌଣସି ରାଶିରେ ଏହି ଦୁଇ ଗ୍ରହଙ୍କ ଉପସ୍ଥିତି ଜୀବନରେ ବିନାଶ ଆଣି ଦେଇଥାଏ । ତେଣୁ ରାଶିରେ ଏହି ଦୁଇ ଗ୍ରହ ପ୍ରବେଶ କରିବା ବିଷୟରେ ଶୁଣିବା ମାତ୍ରେ ଲୋକମାନେ ଥରି ଉଠନ୍ତି । ଏହି ଦୁଇ ରାଶିଙ୍କ ଖରାପ ନଜର ଜଣେ ରାଜାଙ୍କୁ ଗରିବ କରିଦେଇ ପାରେ ଏବଂ ଭଲ ଦୃଷ୍ଟି ଲୋକଙ୍କ ଜୀବନରେ ଖୁସି ଆଣି ଦେଇଥାଏ । ଶନି ଦେବଙ୍କ ପରେ ରାହୁ ଏବଂ କେତୁ ସବୁଠାରୁ ଧୀର ଗତିରେ ଯେକୌଣସି ରାଶିରେ ପ୍ରବେଶ କରନ୍ତି । ଏହି ଦୁଇ ରାଶି ଯେକୌଣସି ରାଶିରେ ପ୍ରବେଶ କରିବା ପରେ ଦେଢ଼ ବର୍ଷ ଯାଏଁ ରହିଥାନ୍ତି । ଏହି ସମୟ ଅବଧି ମଧ୍ୟରେ ଏହାର ପ୍ରଭାବ ସମସ୍ତ ୧୨ଟି ରାଶି ଉପରେ ପଡ଼ିଯାଏ ।
ମେ ୧୮ ତାରିଖରେ ରାହୁ ଏବଂ କେତୁ କରିବେ ରାଶି ପରିବର୍ତ୍ତନ-
ଜ୍ୟୋତିଷ ଶାସ୍ତ୍ର ଅନୁସାରେ, ମେ ୧୮ ତାରିଖରେ ରାହୁ ମୀନ ରାଶି ଛାଡି କୁମ୍ଭ ରାଶିରେ ପ୍ରବେଶ କରିବେ । ସେହିପରି କେତୁ କନ୍ୟା ରାଶିରୁ ବାହାରି ସିଂହ ରାଶିରେ ପ୍ରବେଶ କରିବେ । ରାହୁ ଏବଂ କେତୁଙ୍କ ରାଶି ପରିବର୍ତ୍ତନ ଯୋଗୁଁ ଏହାର ଭଲ ଏବଂ ଖରାପ ପ୍ରଭାବ ସମସ୍ତ ରାଶି ଉପରେ ପଡ଼ିବ । ଏହି ସମୟ ମଧ୍ୟରେ ଜୀବନରେ ଉତ୍ଥାନ-ପତନ ଦେଖିବାକୁ ମିଳିବ। ତଥାପି ଏହାର କୁପ୍ରଭାବରୁ ରକ୍ଷା ପାଇବା ପାଇଁ ଜ୍ୟୋତିଷ ଶାସ୍ତ୍ରରେ ମଧ୍ୟ ଉପଚାର ଦିଆଯାଇଛି । ଯାହା ସମସ୍ତ ରାଶିର ବ୍ୟକ୍ତିଙ୍କୁ ଶୁଭଫଳ ପ୍ରଦାନ କରିବ ।
ରାହୁଙ୍କ ପ୍ରଭାବ-
ରାହୁ କୁମ୍ଭ ରାଶିରେ ପ୍ରବେଶ କରିବା ଫଳରେ ସମସ୍ତ ରାଶିରେ ଉତ୍ଥାନ- ପତନ ଲାଗି ରହିବ । ଏହି ସମୟରେ ସମ୍ପର୍କକେ ତିକ୍ତତା ଦେଖାଦେବ । ବୈବାହିକ ଜୀବନରେ କଳହ ସୃଷ୍ଟି ହେବ । କ୍ୟାରିୟର୍ରେ ଅସଫଳ ହେବେ । ଏଭଳି ସ୍ଥିତିରେ ମନକୁ ଶାନ୍ତ ରଖି ଚତୁରତାର ସହ କାମ କଲେ, ସମସ୍ତ ସମସ୍ୟାର ସମାଧାନ କରିପାରିବେ । ଯେକୌଣସି ପରିସ୍ଥିତିରେ ଭାବିଚିନ୍ତି ନିଷ୍ପତ୍ତି ନେବା ଠିକ୍ ହେବ । ମାନସିକ ଚାପ ମଧ୍ୟ ବୃଦ୍ଧି ପାଇବ । କିନ୍ତୁ ଆପଣଙ୍କୁ ଏହି ସମୟରେ ଆତ୍ମବିଶ୍ୱାସ ବଜାୟ ରଖିବାକୁ ପଡିବ।
କେତୁଙ୍କ ପ୍ରଭାବ-
କେତୁ କନ୍ୟା ରାଶିରୁ ବାହାରି ସିଂହ ରାଶିରେ ପ୍ରବେଶ କରିବେ । କେତୁଙ୍କ ଏହି ରାଶି ପରିବର୍ତ୍ତନର ପ୍ରଭାବ ସମସ୍ତ ରାଶିମାନଙ୍କ ଉପରେ ଦେଖିବାକୁ ମିଳିବ । ଏହି ସମୟରେ କିଛି ରାଶିର ଲୋକଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିବ । କିନ୍ତୁ କିଛି ଲୋକଙ୍କ ପାଇଁ ଏହି ସମୟ ଅତ୍ୟନ୍ତ ଶୁଭ ପ୍ରମାଣିତ ହେବ। ଆପଣଙ୍କୁ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେବାକୁ ପଡ଼ିପାରେ । ତେଣୁ ନିୟମିତ ବ୍ୟାୟାମ କରନ୍ତୁ ଏବଂ ନିଜ ସ୍ୱାସ୍ଥ୍ୟର ବିଶେଷ ଯତ୍ନ ନିଅନ୍ତୁ । ଅର୍ଥ ସମ୍ବନ୍ଧୀୟ ସମସ୍ୟା ହୋଇପାରେ। ତେଣୁ ଏହି ସମୟରେ ଶାନ୍ତି ଏବଂ ଧର୍ଯ୍ୟ ବଜାୟ ରଖନ୍ତୁ।
ପ୍ରତିକାର-
ରାହୁ ଏବଂ କେତୁଙ୍କ କୁପ୍ରଭାବରୁ ବଞ୍ଚିବା ପାଇଁ ତମ୍ୱା, ଲୁହା, ହଳଦିଆ ବସ୍ତ୍ର, ନଡ଼ିଆ, ଖାଦ୍ୟ ପଦାର୍ଥ ଏବଂ କମ୍ୱଳ ଇତ୍ୟାଦି ଦାନ କରିବା ଉଚିତ୍। ଏହାଛଡ଼ା ରାହୁ ଏବଂ କେତୁଙ୍କ ମନ୍ତ୍ର ଜପ କରନ୍ତୁ । ଏହି ସମୟ ଅବଧିରେ ସମସ୍ତ ରାଶିର ବ୍ୟକ୍ତି ଭଗବାନ ଶିବଙ୍କ ପୂଜା କରିବା ଉଚିତ୍ । ମହାଦେବଙ୍କ କୃପାରୁ ରାହୁ ଏବଂ କେତୁଙ୍କ କୁଦୃଷ୍ଟି ଆପଣଙ୍କ ଉପରେ ପଡ଼ିବ ନାହିଁ । ଏହା ସହ ସମସ୍ତ ପ୍ରକାରର ବିପଦରୁ ମଧ୍ୟ ମୁକ୍ତି ପାଇବେ।
