ହିନ୍ଦୁ ଧର୍ମରେ ପୂର୍ଣ୍ଣିମା ତିଥି ପବିତ୍ର ବୋଲି ବିବେଚନା କରାଯାଏ । ବର୍ଷକୁ ୧୨ଟି ପୂର୍ଣ୍ଣମା ପଡ଼ିଥାଏ। ସେହିପରି ମାସକୁ ଗୋଟିଏ ପୂର୍ଣ୍ଣମା ତିଥି ପଡ଼ିଥାଏ । ଧାର୍ମିକ ମାନ୍ୟତା ଅନୁସାରେ, ଫାଲଗୁନ ପୂର୍ଣ୍ଣିମାରେ ସ୍ନାନ ଦାନ କରିବା ଦ୍ବାରା ପୂଣ୍ୟ ମିଳିଥାଏ। ଏଥିସହ ଫାଲଗୁନ ପୂର୍ଣ୍ଣିମା ପିତୃ ପୁରୁଷଙ୍କ ଆତ୍ମା ଶାନ୍ତି କରିବା ପାଇଁ ମଧ୍ୟ ବେଶ୍ ଲାଭକାରୀ ମନାଯାଏ।
ଶାସ୍ତ୍ର ଅନୁସାରେ , ଫାଲଗୁନ ପୂର୍ଣ୍ଣିମା ଦିନ ପିତୃ ପୁରୁଷଙ୍କ ଆତ୍ମା ଶାନ୍ତି ପାଇଁ ଏବଂ ପିତୃ ଦୋଷରୁ ମୁକ୍ତି ପାଇବା ପାଇଁ ବିଶେଷ ଉପାୟ ରହିଛି। ମାନ୍ୟତା ରହିଛି ଯେ, ଫାଲଗୁନ ପୂର୍ଣ୍ଣିମା ଦିନ ଏହି ଉପାୟ କରିବା ଦ୍ବାରା ପିତୃ ପୁରୁଷଙ୍କ ଆତ୍ମା ଶାନ୍ତି ହୋଇଥାଏ । ଏଥିସହ ପିତୃ ପୁରୁଷ ପ୍ରସନ୍ନ ହୋଇ ଆଶୀର୍ବାଦ ପ୍ରଦାନ କରିଥାନ୍ତି । ହିନ୍ଦୁ ପଞ୍ଚାଙ୍ଗ ଅନୁସାରେ , ଫାଲଗୁନ ମାସର ଶୁକ୍ଳ ପକ୍ଷ ପୂର୍ଣ୍ଣିମା ତିଥିର ଆରମ୍ଭ ୧୩ ମାର୍ଚ୍ଚ ସକାଳ ୧୦ ଟା ୩୫ ମିନିଟରୁ ଆରମ୍ଭ ହୋଇ ୧୪ ମାର୍ଚ୍ଚ ୧୨ଟା ୨୩ ମିନିଟରେ ଶେଷ ହେବ।
ଏହା ମଧ୍ୟ ପଢନ୍ତୁ- ଏପ୍ରିଲ ପହିଲାରୁ ବଦଳିବ ଏହି ୩ ରାଶିଙ୍କ ଭାଗ୍ୟ, ବୁଧ କରିବେ ଗୋଚର
ଫାଲଗୁନ ପୂର୍ଣ୍ଣିମା ଦିନ ସନ୍ଧ୍ୟା ସମୟରେ ଘରର ଦକ୍ଷିଣ ଦିଗରେ ଚୌମୁଖୀ ଦୀପ ଜାଳିବା ଉଚିତ୍ । ଏହାପରେ ପିତୃ ପୁରୁଷ ସ୍ତୋତ୍ର ପଢିବା ଆବଶ୍ୟକ । ମାନ୍ୟତା ରହିଛି ଯେ, ଏହି ଉପାୟ କରିବା ଦ୍ବାରା ପିତୃ ପୁରୁଷଙ୍କ ଆତ୍ମାକୁ ଶାନ୍ତି ମିଳିଥାଏ ଓ ପିତୃ ପୁରୁଷ ପ୍ରସନ୍ନ ହୋଇ ଆଶୀର୍ବାଦ କରିଥାନ୍ତି। ସେହିପପି ଫାଲଗୁନ ପୂର୍ଣ୍ଣିମା ଦିନ ଭୋଜନ ଦାନ କରିବା ଶୁଭ ହୋଇଥାଏ। ଏହା ବ୍ୟତୀତ କିଛି ଗାଈ, କୁକୁର ଓ କାଉଙ୍କ ରୁଟି ଖାଇବାକୁ ଦେବ ଉଚିତ୍ । ସେହିପରି ଏହି ଦିନ ଗଙ୍ଗା ବ୍ୟତୀତ ଅନ୍ୟ କୌଣସି ପବିତ୍ର ନଦୀରେ ସ୍ନାନ କରି ପିତୃ ପୁରୁଷଙ୍କ ତର୍ପଣ ଅବଶ୍ୟ କରିବା ଉଚିତ । ବିଶ୍ବାସ ରହିଛି ଯେ ଏଭଳି କରିବା ଦ୍ବାରା ପିତୃ ପୁରୁଷଙ୍କ ଆତ୍ମା ଶାନ୍ତି ହୋଇଥାଏ।
