ଭୁବନେଶ୍ବର,୧୦/୦୧ : ଆଜି ସରିବ ୧୮ତମ ପ୍ରବାସୀ ଭାରତୀୟ ସମ୍ମିଳନୀ । ଜନତା ମଇଦାନରେ ୩ଦିନ ଦେବ ଅନୁଷ୍ଠିତ ପ୍ରବାସୀ ଭାରତୀୟ ସମ୍ମିଳନର ଉଦଯାପନୀ ସମାରୋହରରେ ଯୋଗ ଦେଇଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସମ୍ମିଳନୀରେ ଅଭିଭାଷଣ ରଖିବା ସହ ୨୭ ଜଣ ପ୍ରବାସୀ ଭାରତୀୟଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରିବେ ରାଷ୍ଟ୍ରପତି । ସମ୍ମିଳନୀରେ ରାଷ୍ଟ୍ରପତିଙ୍କୁ ସ୍ବାଗତ କରିଥିଲେ ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର ।
ପ୍ରବାସୀ ଭାରୀତୀୟ ଦିବସ ସମ୍ମେଳନ ଅନ୍ତିମ ଦିନରେ ବିଶେଷ କାର୍ଯ୍ୟକ୍ରମ ରହିଛି । ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ନାରୀଙ୍କ ଶକ୍ତି ଏବଂ ପ୍ରଭାବର ଉତ୍ସବ ଓ ସଂସ୍କୃତି ସମ୍ପର୍କ ଏବଂ ଆତ୍ମୀୟତାର ଗାଥା କାର୍ଯ୍ୟକ୍ରମ ରହିଛି । ୨୭ ଜଣ ପ୍ରବାସୀ ଭାରତୀୟଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରିବା ସହ ପ୍ରବାସୀଙ୍କ ଅବଦାନ ସମ୍ପର୍କରେ ଅଭିଭାଷଣ ରଖିରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ।
ଜନତା ମଇଦାନରେ ୩ ଦିନ ଚାଲିଥିବା ପ୍ରବାସୀ ଭାରୀତୀୟ ଦିବସ ସମ୍ମେଳନ ଆଜି ଶେଷ ଦିନ । ଏଥିରେ ଯୋଗ ଦେବାକୁ ଗତକାଲି (ଗୁରୁବାର) ଓଡିଶାରେ ପହଞ୍ଚିଥିଲେ ରାଷ୍ଟ୍ରପତି । ଗୌହାଟୀ ବିମାନ ବନ୍ଦରରୁ ସ୍ବତନ୍ତ୍ର ବିମାନରେ ବିଜୁ ପଟ୍ଟନାୟକ ବିମାନବନ୍ଦରରେ ପହଞ୍ଚିଥିଲେ । ସେଠାରେ ତାଙ୍କୁ ସ୍ବାଗତ କରିଥିଲେ ମୁଖ୍ୟମନ୍ତ୍ରୀ ମୋହନ ମାଝୀ ଓ ରାଜ୍ୟପାଳ ଡ. ହରିବାରୁ କମ୍ଭମପତି ।
