ମୁମ୍ୱାଇ : ଜଣାଶୁଣା ସ୍କ୍ରିନ୍ ରାଇଟର ଜାଭେଦ ଅଖତରଙ୍କ ପାଇଁ ଆଜି କୌଣସି ପରିଚୟର ଆବଶ୍ୟକତା ନାହିଁ। ଜାଭେଦ୍ ନିଜର ଖୋଲା ଅନ୍ଦାଜ ପାଇଁ ମଧ୍ୟ ଖୁବ୍ ଜଣାଯାନ୍ତି। ସେ କେବେ ବି ନିଜର କଥା ରଖିବାରେ ଟିକିଏ ବି କୁଣ୍ଠିତ ହୁଅନ୍ତି ନାହିଁ। ଏହି ମଧ୍ୟରେ ଏବେ ଜାଭେଦ ନିଜର ପୁଅ ତଥା ଅଭିନେତା ଫରହାନ ଅଖତରଙ୍କୁ ନେଇ କଥା ହୋଇଛନ୍ତି। ଜାଭେଦ୍ଙ୍କ ପୁଅ ସହ ନିଜର ବଣ୍ଡିଂ ସହ ଏହି କଥାର ମଧ୍ୟ ଖୁଲାସା କରିଛନ୍ତି କି, ସେ ଫରହାନଙ୍କ ସହ ଭେଟିବା ପାଇଁ ଅନେକ ଦିନ ପୂର୍ବରୁ ଆପଏଣ୍ଟମେଣ୍ଟ ନେବାକୁ ପଡ଼ିଥାଏ।
ଜାଭେଦ ଅଖତର ନିକଟରେ ଆମେରିକା ଯାଇଥିଲେ, ଯେଉଁଠି ସେ ଜୈଦି ଚ୍ୟାଲେନକୁ ନିଜର ଇଣ୍ଟରଭ୍ୟୁ ଦେଇଥିଲେ। ଏହି ସମୟରେ କଥାବାର୍ତ୍ତାରେ ଜାଭେଦ ପର୍ସନାଲ ଲାଇଫ୍ ବିଷୟରେ ଖୋଲି କରି କହି ଥିଲେ। ଜାଭେଦ କହିଥିଲେ, ମୋ ପରିବାର ବହୁତ ଛୋଟ। ମୋର ପରିବାରରେ କେବଳ ଜଣେ ପୁଅ, ଜଣେ ଝିଅ ଏବଂ ମୁଁ ଓ ପତ୍ନୀ (ଶବାନା)। ମୁଁ ଓ ଶବାନା ଏକାଠି ରହୁ। ମୋ ଝିଅର ଏକ ଅଲଗା ଘର ଏବଂ ମୋ ପୁଅର ଏକ ଅଲଗା ଘର ଅଛି।
ଏହି ସମୟରେ କଥାବାର୍ତ୍ତାରେ ଜାଭେଦ ନିଜର ପିଲାଦିନକୁ ମନେପକାଇ କୁହନ୍ତି କି, ଯେବେ ଆମେ ଛୋଟ ଥିଲୁ, ସେତେବେଳେ ଏହା ଜାଣି ବହୁତ ଅଜବ ଲାଗୁ ଥିଲା କି, ଆମେରିକା ବା ଇଂଲଣ୍ଡରେ ରହୁଥିବା ଲୋକଙ୍କୁ ନିଜର ସଂପର୍କୀୟଙ୍କ ସହ ଭେଟିବାକୁ ତାଙ୍କୁ ପ୍ରଥମେ ଫୋନ କରିବାକୁ ପଡ଼ୁ ଥିଲା। ଅନ୍ୟ ଲୋକ ଏହା ଶୁଣି ଆଶ୍ଚର୍ଯ୍ୟ ହେଉ ଥିଲେ। ଏବେ ଏହା ମୋର ପରିବାର ସହ ହେଉଛି ଏବଂ ଏହା ଠିକ୍ ବି ଲାଗୁଛି।
ଇଣ୍ଟରଭ୍ୟୁରେ ଜାଭେଦ ଅଖତର ଏହା ମଧ୍ୟ କହିଛନ୍ତି କି, ଯେବେ ସେ ଆମେରିକା ଟ୍ରିପ୍ରେ ଯାଆନ୍ତି ତ, ତାଙ୍କୁ ସେଠାରେ ପଚାରନ୍ତି ଫରହାନଙ୍କୁ କାହିଁକି ସାଥିରେ ଆଣିଲ ନାହିଁ ? ସେ କଣ ଜବଲେସ୍ କି ? ଏହା ଉପରେ ଜାଭେଦ କହନ୍ତି କି , ମୋତେ ନିଜେ ତାଙ୍କୁ ଭେଟିବା ପାଇଁ ପ୍ରଥମେ ଫୋନ୍ କରିବାକୁ ପଡ଼ିଥାଏ। ସେ ମଧ୍ୟ ମୋତେ କୁହନ୍ତି ଆମେ କେବେ ଭେଟି ପାରିବୁ। ସାଧାରଣତଃ ଆମେ ୩ରୁ ୫ ଦିନ ପରେ ଆପଏଣ୍ଟମେଣ୍ଟ ସ୍ଥିର କରୁ। ଏମିତି ହିଁ ଜୀବନ ।
