ଭୁବନେଶ୍ୱର ୧୦/୦୧: ବିଏମ୍ସି ପକ୍ଷରୁ ଦ୍ୱିତୀୟ ପଥ ଉତ୍ସବ ୧୨ ତାରିଖରେ ଅନୁଷ୍ଠିତ ହେବ । ଜାଗମରାରୁ ବରମୁଣ୍ଡା ନୀଳକଣ୍ଠେଶ୍ୱର ମନ୍ଦିର ନ୍ୟୁ ଏୟାରପୋର୍ଟ ରାସ୍ତାରେ ପଥ ଉତ୍ସବ ଅନୁଷ୍ଠିତ ହେବ । ତା ପୂର୍ବରୁ ଆଜି ସମସ୍ତ ପ୍ରସ୍ତୁତି ସରିଛି । ପ୍ରଥମ ପଥ ଉତ୍ସବ ମଧ୍ୟ ନିର୍ବଚାନ ମଣ୍ଡଳୀରେ ଅନୁଷ୍ଠିତ ହୋଇଥିଲା । ଏଥର ଏକାମ୍ର ନିର୍ବାଚନୀ ମଣ୍ଡଳୀରେ ପଥ ଉତ୍ସବ ଅନୁଷ୍ଠିତ ହେବ । ବିଏମ୍ସି ପକ୍ଷରୁ ଏଥର ଏକାଧିକ କାର୍ଯ୍ୟକ୍ରମ ଆୟୋଜନ କରାଯାଇଛି ।
ପଥ ଉତ୍ସବ ପାଇଁ ବିଏମ୍ସି ପକ୍ଷରୁ ୩ଟି ଷ୍ଟେଜ କରାଯିବ । ମୁଖ୍ୟ ଷ୍ଟେଜ ବରମୁଣ୍ଡା ନୀଳକଣ୍ଠଶ୍ୱର ମନ୍ଦିର ଛକର ରହିବ । ଅନ୍ୟଟି ପ୍ରମେୟ ଛକରେ ରହିବ । ତୃତୀୟ ଷ୍ଟେଜରେ ଭୁବନେଶ୍ୱର ଟ୍ୟାଲେଣ୍ଟ ସୋ କରାଯିବ । ଏଥିରେ ଇଚ୍ଛୁକ ଯୁବବର୍ଗ ଭାଗ ନେଇପାରିବେ । ଏହି ଷ୍ଟେଜ ମାଧ୍ୟମରେ ନାଚଗୀତ, ଅଭିନୟରେ ଯୁବବର୍ଗ ନିଜ ନିଜ ପାରଦର୍ଶିତା ପ୍ରଦର୍ଶନ କରି ପାରିବେ । ପଥ ଉତ୍ସବରେ ସାଇକେଲିଂ, ପେଣ୍ଟିଂ, ସାଂସ୍କୃତିକ ସୋ, ସ୍କେଟିଂ ଆଦି କାର୍ଯ୍ୟକ୍ରମ ରହିବ । ସଙ୍ଗୀତ ତାଳରେ ଝୁମି ଉଠିବେ ଦର୍ଶକ । ବିଭିନ୍ନ ସ୍ଥାନରେ ଖାଦ୍ୟ ଷ୍ଟଲ ଖୋଲିବ । ଅଧିକରୁ ଅଧିକ ରାଜଧାନୀବାସୀ ଏହି ଉତ୍ସବରେ ଯୋଗଦେବା ପାଇଁ ବିଏମସି ପକ୍ଷରୁ ଅପିଲ କରାଯାଇଛି ।
