ବଲାଙ୍ଗୀର, ୧୮/୦୯: ରାତିଅଧିଆ ଗୋଦାମ ଗେଟ୍ ଭାଙ୍ଗି ଚୋରି କରି ନେଉଥିଲେ ଚୋର ଗ୍ୟାସ ସିଲିଣ୍ଡର । ଏହି ଘଟଣାରେ ପୂର୍ବତନ ଗ୍ୟାସ୍ ଗୋଦାମ ମ୍ୟାନେଜର ସହ ୪ ଜଣ ଅଭିଯୁକ୍ତ ଗିରଫ ହୋଇ ହୋଇଛନ୍ତି । ସେମାନଙ୍କ ମଧ୍ୟରୁ ୪ଜଣ ଅଭିଯୁକ୍ତ ପ୍ରେମରାଜ ପୁରୋହିତ, ସତ୍ୟନାରାୟଣ ନାଏକ, ଟୁନୁ ନନ୍ଦ, କ୍ଷମାସାଗର ଭୁଏ କୋର୍ଟ ଚାଲାଣ ହୋଇଛନ୍ତି । ଏମାନେ ବଲାଙ୍ଗୀର ସହର, ଦେଓଗାଁ ଓ ପୁଇଁନ୍ତଳା ବ୍ଲକ ଅଞ୍ଚଳର ବୋଲି ସୂଚନା ମିଳିଛି । ସେମାନଙ୍କ ନିକଟରୁ ମୋଟ ୧୩୩ ଟି ଭର୍ତ୍ତି ଥିବା ଗ୍ୟାସ୍ ଏବଂ କିଛି ଖାଲି ଥିବା ଗ୍ୟାସ୍ ସିଲିଣ୍ଡର ଜବତ କରାଯାଇଛି । ବଲାଙ୍ଗୀର ଜିଲ୍ଲା ପୁଇଁନ୍ତଳା ଥାନା ଅନ୍ତର୍ଗତ ସାଉଁନ୍ତପୁର ଗାଁରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ସାଉଁନ୍ତପୁର ଗାଁରେ ଥିବା ଗ୍ୟାସ ଗୋଦାମରୁ ରାତିଅଧିଆ ୫୫ ଟି ଗ୍ୟାସ୍ ସିଲଣ୍ଡର ଚୋରି ହୋଇଥିବା ପୁଇଁନ୍ତଳା ଥାନାରେ ଅଭିଯୋଗ କରିଥିଲେ ଗୋଦାମ ମାଲିକ । । ଏହାକୁ ପୋଲିସ ହାଲୁକା ଭାବରେ ନେଇ ଚୁପ ରହିଥିଲା । ଏହି ଘଟଣାକୁ ନେଇ ବଲାଙ୍ଗୀର ଏସଡିପିଓଙ୍କୁ ଯାଇ ଅଭିଯୋଗ ପରେ ତଦନ୍ତ ଆରମ୍ଭ ହୋଇଥିଲା । ସିଲିଣ୍ଡର ଚୋରିର ଏକ ରାକେଟ ଏହି ରୋରି କରିଥିବା ନେଇ ତଦନ୍ତରୁ ଜଣାପଡ଼ିଥିଲା ।
ଏହାକୁ ନେଇ ସଦର ଇ ଟାଉନ ପୋଲିସ ଛାନଭିନରୁ ଜଣାପଡିଲା ଯେ, ବର୍ଷ ବର୍ଷ ଧରି ଏଭଳି ବିଭିନ୍ନ ସ୍ଥାନରୁ ସିଲିଣ୍ଡର ଚୋରି ହୋଇ ତାହାର କଲାବଜାରୀ କରାଯାଉଥିଲା । ଏନେଇ ଘଟଣାରେ ଜଣେ ପୂର୍ବତନ ଗ୍ୟାସ ଗୋଦାମ ମ୍ୟାନେଜର ସହ ୪ ଜଣଙ୍କୁ ଗିରଫ କରିଛି ପୋଲିସ । ଏହାସହ ୧୩୩ ଟି ଭର୍ତ୍ତି ଥିବା ସହ କିଛି ଖାଲି ସିଲିଣ୍ଡର ଏବଂ ଏକ ଚାରିଚକିଆ ଗାଡି ମଧ୍ୟ ଜବତ ହୋଇଛି । ଉକ୍ତ ୪ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ହେଲେ ପୁଇଁନ୍ତଳା ପୋଲିସ ସବୁ ଜାଣି ଚୁପ ଥିଲା କାହିଁକି । ପୂର୍ବରୁ ମଧ୍ୟ ଅଭିଯୋଗ ରହିଥିଲେ ହେଁ କାହିଁକି ଧରପଗଡ଼ କରୁନଥିଲା, ତାହାକୁ ନେଇ ପୁଇଁନ୍ତଳା ଆଇଆଇସିଙ୍କ ଉପରେ ସନ୍ଦେହ ସୃଷ୍ଟି ହୋଇଥିବା ବେଳେ, ଏହାର ତଦନ୍ତ କରାଯିବ ବୋଲି ବଲାଙ୍ଗୀର ଏସଡିପିଓ କହିଛନ୍ତି ।
