ଚାନ୍ଦବାଲି,୯।୮ : ଭଦ୍ରକ ଜିଲ୍ଲା ଚାନ୍ଦବାଲି ଥାନାର ଜଣେ ସବ୍ ଇନ୍ସପେକ୍ଟର ଥାନା ପରିସରରେ ଏକ ଗୃହରେ ରହୁଥିବା ଜଣେ ବୟସ୍କ ଗ୍ରାମରକ୍ଷୀକୁ ବାହାର କରି ଦେଇଥିବା ଅଭିଯୋଗ ହୋଇଛି। ଏହି ସମ୍ପର୍କରେ ଗ୍ରାମରଖି ଜଣକ ଥାନା ପରିସରରେୁ ନିଜର ବେଡିଂପତ୍ର ଧରି ଯାଉଥିବା ବେଳେ କାନ୍ଦି କାନ୍ଦି କହିଛନ୍ତି ।
ଭାଗୀରଥି ମହାଳିକ ନାମକ ଜଣେ ବୟସ୍କ ଗ୍ରାମରକ୍ଷୀ ଚାନ୍ଦବାଲି ଥାନା ପରିସରରେ ଥିବା ଏକ ଗୃହରେ ଦୀର୍ଘ ୪୦ ବର୍ଷ ଧରି ରହି ଆସୁଥିଲେ। ଗ୍ରାମରକ୍ଷୀ ଜଣଙ୍କୁ ସବ ଇନ୍ସପେକ୍ଟର ଜଣକ ଅସଭ୍ୟ ଭାଷାରେ ଗାଳିଗୁଳଜ କରିବା ସହ ଉକ୍ତ ଘରୁ ବାହାରି ଯିବା ପାଇଁ ଧମକ ଦେଇଥିଲେ ବୋଲି ସେ ଅଭିଯୋଗ କରିଛନ୍ତି। ଉକ୍ତ ଘରେ ପୁଲିସ ଅଫିସର ଜଣକ ନିଜେ ରହିବା ପାଇଁ ଗ୍ରାମରଖିକୁ ବାହାର କରି ଦେଇଥିବା ଅଭିଯୋଗ କରି ନ୍ୟାୟ ପାଇଁ ସେ ଦାବି କରିଛନ୍ତି।
