ଭଦ୍ରକ,୧୪/୦୮: ଯାତ୍ରାକୁ ନେଇ ପୁଣି ଆରମ୍ଭ ହେଲାଣି ବିବାଦ । ଅତ୍ୟଧିକ ମୂଲ୍ୟକୁ ନେଇ ମେଳି ବାନ୍ଧିଲାଣି ଓଡ଼ିଶା ଯାତ୍ରା କମିଟି ସୁରକ୍ଷା ମଞ୍ଚ । ଭଦ୍ରକ ସହରର ନେହେରୁ ଷ୍ଟାଡିୟମ ନିକଟ ଏକ ହୋଟେଲ୍ ଏକଜୁଟ ହୋଇଛନ୍ତି ୩୦ରୁ ଅଧିକ ଯାତ୍ରା କମିଟି ।
ସୂଚନା ମୁତାବକ, ଆସନ୍ତା ୧୭ ତାରିଖରେ ରାଜ୍ୟ କାର୍ଯ୍ୟକାରିଣୀ ପାଇଁ ପ୍ରସ୍ତୁତି ସରିଛି । ଯାତ୍ରା ପରିବେଶଣ ପାଇଁ ଯାତ୍ରା କମିଟି ଗୁଡ଼ିକ ବହୁ କ୍ଷତି ସହୁଛନ୍ତି । ଟିକେଟ୍ ର ଅହେତୁକ ବୃଦ୍ଧି ଯାତ୍ରା ପ୍ରେମୀଙ୍କୁ ନିରାଶ କରିବା ସହ କମିଟିକୁ କ୍ଷତି ସହିବାକୁ ପଡୁଛି । ପୂର୍ବରୁ ମାଲିକ ସଂଘ ସହ ଆଲୋଚନା ହୋଇଥିଲେ ମଧ୍ୟ ଚଳିତ ଯାତ୍ରା ଋତୁରେ କମିଟିର ଦାବିପୂରଣ ହୋଇପାରୁନି । ତେଣୁ ସବୁ ଯାତ୍ରା କମିଟି ଏକାଠି ହେବା ଆରମ୍ଭ କରିଛନ୍ତି । ଆଗାମୀ ସମୟରେ ସମସ୍ତ କମିଟି ଦାବି ରଖିବେ ଯେ, ଯାତ୍ରା ଟିକେଟ୍ର ମୂଲ୍ୟ ୧୦୦, ୧୫୦ ଓ ୨୦୦ରେ ସୀମିତ ରଖାଯାଉ । ଯାତ୍ରାରେ ଅଶ୍ଲୀଳତା ପ୍ରଦର୍ଶିତ ନହେବା ଭଳି ଦାବି ରହିଛି । କିନ୍ତୁ ଆଲୋଚନା ମାଲିକ ସଂଘ ସହ ସଫଳ ହୋଇନଥିବାରୁ କମିଟି ଗୁଡ଼ିକ ଆଗାମୀ କାର୍ଯ୍ୟକାରିଣୀ ପରେ ପରବର୍ତ୍ତୀ ନିଷ୍ପତ୍ତି ନେବେ।
