ସମ୍ବଲପୁର,୧୫/୦୯: ସମ୍ପୂର୍ଣ ଭାବେ ଲୁଟ୍ ହେଲା ଏସବିଆଇ ଏଟିଏମ । ଏକ କାର୍ରେ ଲୁଟ କରି ପଳାଉଥିବା ବେଳେ ଶାସନ ରେଳ ଲାଇନ ନିକଟରେ କାର ଦୁର୍ଘଟଣା ଗସ୍ତ । ସମ୍ବଲପୁର ଜିଲ୍ଲା ଢଙ୍କଉଡ଼ା ବ୍ଲକ ଅନ୍ତର୍ଗତ ଭାଲୁପାଲି ଗ୍ରାମରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଭାଲୁପାଲି ଠାରେ ଥିବା ଏକ ଏସବିଆଇ ଏଟିଏମ ସମ୍ପୂର୍ଣ୍ଣ ଭାବରେ ଲୁଟ୍ ହୋଇଛି । ଲୁଟେରା ମାନେ ଏକ କାର୍ରେ ଆସି ଏହି ଲୁଟ୍ କରିଥିଲେ । ତେବେ ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିଥିଲା । କିନ୍ତୁ ଏତିକି ଭିତରେ ଲୁଟେରା ଲୁଟ୍ କରି ଉକ୍ତ ସ୍ଥାନରୁ ଚମ୍ପଟ ମାରିଥିଲେ ।
ସେଠାରୁ ଲୁଟ୍ କରି କାର୍ ଯୋଗେ ଯିବା ବେଳେ ଶାସନ ରେଳ ଲାଇନ ନିକଟରେ କାର୍ଟି ଦୁର୍ଘଟଣା ଗସ୍ତ ହୋଇଥିଲା । ପରେ ଉକ୍ତ ସ୍ଥାନରେ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ପୋଲିସର ଏକ ସ୍ୱତନ୍ତ୍ର ଟିମ ଅଭିଯୁକ୍ତମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରୁଛି । ତେବେ ଉକ୍ତ ଏଟିଏମରେ ଲକ୍ଷାଧିକ ଟଙ୍କା ଥିବା ଅନୁମାନ କରାଯାଉଛି ।