ସିମୁଳିଆ,୨୪/୦୭: ଜୁଏଲାରି ମାଲିକଙ୍କ ନିକଟରୁ ଲୁଟ୍ । ବାଇକ ଡ଼ିକି ଭାଙ୍ଗି ଲୁଟିନେଲେ ଲକ୍ଷାଧିକ ଟଙ୍କାର ଅଳଙ୍କାର। ଏଭଳି ଘଟଣା ଘଟିଛି ସିମୁଳିଆ ଥାନା ଜାମୁଝାଡ଼ି ବଜାରରେ।
ସୂଚନା ଅନୁଯାୟୀ, କରୁଣାକର ସାହୁଙ୍କର ଜୟନ୍ତୀ ଜୁଏଲାରି ନାମକ ଏକ ଦୋକାନ ଜାମୁଝାଡ଼ି ବଜାରରେ ଅଛି। ସବୁଦିନ ପରି ମଙ୍ଗଳବାର ବିଳମ୍ବିତ ରାତିରେ ସେ ଦୋକାନ ବନ୍ଦ କରିଥିଲେ । ୬ କେଜି ରୁପା ଓ ୩୩ ଗ୍ରାମ ସୁନାକୁ ଏକ ବ୍ୟାଗରେ ପୁରାଇ ନିଜ ବାଇକ ଡିକିରେ ରଖିଥିଲେ । ସେହି ସମୟରେ ଦୁଇଟି ବାଇକରେ ୪ ଜଣ ଦୃବୁର୍ତ୍ତ ଆସି କରୁଣାକରଙ୍କୁ ସିମୁଳିଆ ଥାନାର ଠିକଣା ପଚାରିଥିଲେ । ଏହି ସମୟରେ ଅନ୍ୟ ଜଣେ ଦୃର୍ବୃତ୍ତ କରୁଣାକରଙ୍କର ଡ଼ିକି ଭାଙ୍ଗି ସେଥିରେ ଥିବା ଅଳଙ୍କାର ବ୍ୟାଗକୁ ନେଇ ଫେରାର ହୋଇଯାଇଥିଲେ । ଏନେଇ ସିମୁଳିଆ ଥାନାରେ ଅଭିଯୋଗ କରିଛନ୍ତି କରୁଣାକର । ଖବର ପାଇ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ପୋଲିସ ।