ନୂଆଦିଲ୍ଲୀ,୧୭/୯ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୧ରୁ ୨୩ସେପ୍ଟେମ୍ବର ପର୍ଯ୍ୟନ୍ତ ଆମେରିକା ଯାତ୍ରା କରିବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆମେରିକା ଯାତ୍ରାର ସୂଚନା ବିଦେଶ ମନ୍ତ୍ରାଳୟ ମୁତାବକ ପ୍ରଧାନମନ୍ତ୍ରୀ ମୋଦୀ ୨୧ସେପ୍ଟେମ୍ବରରେ ଆମେରିକାର ଡେଲବେୟରରେ ଓ୍ବିଲିଂଟନରେ ଚତୁର୍ଥ ସ୍କ୍ବାର୍ଡ଼ ସମ୍ମିଳନୀରେ ଭାଗ ନେବେ ।

ମିଳିଥିବା ସୂଚନା ମୁତାବକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୨ସେପ୍ଟେମ୍ବରରେ ନ୍ୟୁୟର୍କରେ ଭାରତୀୟ ସମୁଦାୟର ଲୋକଙ୍କୁ ସମ୍ବୋଦ୍ଧିତ କରିବେ । ପିଏମ ମୋଦୀଙ୍କୁ ଭେଟିବାକୁ ନେଇ ଭାରତୀୟ ସମୁଦାୟର ଲୋକ ବହୁ ଉତ୍ସାହିତ ଅଛନ୍ତି । ସୂଚନା ମୁତାବକ ନ୍ୟୁୟର୍କରେ ଭାରତୀୟ ସମୁଦାୟର ଲୋକ ପିଏମ ମୋଦୀଙ୍କୁ ସ୍ବାଗତକୁ ନେଇ ବିଶେଷ ପ୍ରସ୍ତୁତି ବି କରିଛନ୍ତି।

୨୩ସେପ୍ଟେମ୍ବରରେ ନ୍ୟୁୟର୍କରେ ପିଏମ ମୋଦୀ ସଂଯୁକ୍ତ ରାଷ୍ଟ୍ର ମହାସଭାରେ ‘ସମିଟ ଅଫ ଦ ଫ୍ୟୁଚର’କୁ ସମ୍ବୋଧିତ କରିବେ । ଏହି ସମୟରେ ସେ କେତେକ ମୁଦ୍ଦା ଉପରେ ନିଜ ବିଚାର ରଖିପାରନ୍ତି । କୁହାଯାଉଛି କି ବିଶ୍ବ ସମେତ ଭାରତର ବର୍ତ୍ତମାନର ପରିସ୍ଥିତି ଏବଂ ତାଙ୍କ ସମାଧାନର ବି ପିଏମ ମୋଦୀ ନିଜ ସମ୍ବୋଧନ ସମୟରେ କହିପାରନ୍ତି ।

ପ୍ରଧାନମନ୍ତ୍ରୀ ମୋଦୀ ନ୍ୟୁୟର୍କରେ ଅଗ୍ରଣୀ ଆମେରିକା କମ୍ପାନୀର ମୁଖ୍ୟ କାର୍ଯ୍ୟକାରୀ ଅଧିକର୍ତ୍ତାଙ୍କ ସହ କଥା ହେବେ। ଫଳରେ ଏଆଇ, ବାଇୟୋଟେକ୍ନୋଲୋଜି ଏବଂ ସେମିକଣ୍ଡକ୍ଟର  ଆଦି କ୍ଷେତ୍ରରେ ବୁଝାମଣା ଶକ୍ତିଶାଳୀ କରାଯାଇପାରେ ।