ନୂଆଦିଲ୍ଲୀ,୨।୨: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଗତକାଲି ଆର୍ଥିକ ବଜେଟ୍ ଆଗତ କରିଥିଲେ। ଏହି ପୁରା ବଜେଟ୍ରେ ସବୁଠାରୁ ଅଧିକ ଚର୍ଚ୍ଚାରେ ରହିଥିବା ଇନକମ୍ ଟ୍ୟାକ୍ସ ପରିସରକୁ ବଢାଇ ୧୨ ଲକ୍ଷରୁ ଅଧିକ କରି ଦିଆଯାଇଛି। ଏବେ ଏହି ନିଷ୍ପତ୍ତିକ ନେଇ ସୀତାରମଣ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଭଳି ଇନକମ୍ ଟ୍ୟାକ୍ସ କାଟ୍ର ପକ୍ଷର ଥିଲେ। ସେ ଆରମ୍ଭରୁ ହିଁ ଏଭଳି ଚାହୁଁଥିଲେ। ଆମେ ଏହାକୁ ଲାଗୁ କରିବା ପାଇଁ ସବୁଠାରୁ ଅଧିକ ସମୟ ବ୍ୟୁରୋକ୍ରାଟସ୍କୁ ବୁଝାଇବାରେ ଲାଗିଥିଲା।
ନ୍ୟୁଜ ଏଜେନ୍ସିକୁ ଦିଆଯାଇଥିବା ଇଣ୍ଟରଭ୍ୟୁରେ ଅର୍ଥମନ୍ତ୍ରୀ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ମାମଲାରେ ଆରମ୍ଭରୁ ହିଁ ସ୍ପଷ୍ଟ ଥିଲେ ଯେ, ଆମକୁ ଟ୍ୟାକ୍ସ କାଟ କରିବାକୁ କିଛି କରିବା ଦରକାର। ପ୍ରଧାନମନ୍ତ୍ରୀ ହେବାପରେ ଏହା ଆମ ମନ୍ତ୍ରଣାଳୟର ଉପରେ ଥିଲା ଯେ, ଆମେ ସହଜରେ ପୁରା ମାମଲାର ଏକ ଯୋଜନା ତିଆରି କରୁ ଓ ଏହାକୁ ପ୍ରସ୍ତାବ ରୂପରେ ଆଗକୁ ବଢାଉ। ପ୍ରଧାନମନ୍ତ୍ରୀଙ୍କ ସମର୍ଥନ ପରେ ଆମ ଆଗରେ ବୋର୍ଡକୁ ବୁଝିବାର ଚ୍ୟାଲେଞ୍ଜ ଥିଲା ଓ ଶେଷରେ ଆମ ନିଜର କଥାକୁ ଠିକ୍ ଭାବରେ ପାଳନ କରିବାରେ ସଫଳ ରହିଥିଲୁ।
ଅର୍ଥମନ୍ତ୍ରୀ କହିଛନ୍ତି, ପ୍ରଧାନମନ୍ତ୍ରୀ ମୋଦି ଦଳିତ, ପଛୁଆ ବର୍ଗ, ଆଦିବାସୀ ଓ ସାଧାରଣ ଜନତାଙ୍କ କଥା ଶୁଣନ୍ତି। ତାଙ୍କର ଆବଶ୍ୟକତାକୁ ବୁଝନ୍ତି। କେନ୍ଦ୍ର ସରକାର ସମସ୍ତଙ୍କ ପାଇଁ କାମ କରନ୍ତି ଓ ତାଙ୍କ ସମସ୍ୟାର ନିବାରଣ କରନ୍ତି। ଏଭଳି ସରକାରରେ ଥିବାରୁ ମୁଁ ବହୁତ ଖୁସି।
