ଲକ୍ଷ୍ନୌ,୦୩/୦୨: ଭୋ ଭୋ ହୋଇ କାନ୍ଦିଲେ । ଯିଏ ଯେତେ ବୁଝାଇଲେ ଚୁପ ହେଲେ ନାହିଁ । ଜଣେ ପୀଡିତାଙ୍କ ନ୍ୟାୟ ଦାବି କରି ଏତେ ଜୋରରେ କାନ୍ଦିଲେ ଯେ ଲୁହ କୋହ କିଛି ଅଟକିଲା ନାହିଁ । ଏମିତିକି ପଦ ଛାଡି ଦେବେ ବୋଲି କହିଲେ ସପା ସାଂସଦ । ଉତ୍ତରପ୍ରଦେଶ ଶାନାୱାନ୍ ଗ୍ରାମସଭାର ସର୍ଦ୍ଦାରପଟେଲ ୱାର୍ଡରେ ଜଣେ ଦଳିତ ଯୁବତୀଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ନ୍ୟାୟ ଦାବି କରି ଭୋ ଭୋ ହୋଇ କାନ୍ଦିଥିଲେ ସପା ସାଂସଦ ଅୱଧେଶ ପ୍ରସାଦ । ଏହା ସହିତ ପୀଡିତାଙ୍କୁ ନ୍ୟାୟ ନମିଳିଲେ ଇସ୍ତଫା ଦେବେ ବୋଲି କହିଛନ୍ତି ।

ଇସ୍ତଫା ଦେବି- ଦଳିତ ଯୁବତୀଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ନ୍ୟାୟ ନମିଳିଲେ ପଦବୀ ଚାଡିବି । ଲୋକସଭାରୁ ଇସ୍ତଫା ଦେବି ବୋଲି ଧମକ ଦେଇଛନ୍ତି ସମାଜବାଦୀ ପାର୍ଟି ସାଂସଦ ଅୱଧେଶ ପ୍ରସାଦ । ଏକ ସାମ୍ବାଦିକ ସମ୍ମିଳନୀ କରି ରାଜ୍ୟ ସରକାରଙ୍କୁ ସମାଲୋଚନା କରିବା ସହ ମାମଲାକୁ ନେଇ ପ୍ରଧାନମନ୍ତ୍ରୀଙ୍କ ସହ ଆଲୋଚନା କରିବି ବୋଲି କହିଛନ୍ତି ସାଂସଦ ଅୱଧେଶ ପ୍ରସାଦ । ଝିଅଙ୍କୁ ନ୍ୟାୟ ଦେବାରେ ସରକାର ବିଫଳ ହୋଇଥିବା କହି କାନ୍ଦିଥିଲେ ସାଂସଦ ଅୱଧେଶ ପ୍ରସାଦ  ।

यह जघन्य अपराध बेहद दुःखद हैं।

अयोध्या के ग्रामसभा सहनवां, सरदार पटेल वार्ड में 3 दिन से गायब दलित परिवार की बेटी का शव निर्वस्त्र अवस्था में मिला है, उसकी दोनों आँखें फोड़ दी गई हैं उसके साथ अमानवीय व्यवहार हुआ है।

यह सरकार इंसाफ नही कर सकती। pic.twitter.com/aSvI3N74Kl

— Awadhesh Prasad (@Awadheshprasad_) February 2, 2025

ଏହା ବି ପଢନ୍ତୁ...ବସନ୍ତ ପଞ୍ଚମୀ ଅମୃତ ସ୍ନାନ, ‘ଜିରୋ ଏରର’ କରିବାକୁ ଯୋଗୀଙ୍କ ନିର୍ଦ୍ଦେଶ

ଦିନକ ପରେ ମଲ୍ଲିକାପୁରେ ନିର୍ବାଚନ- ଅଯୋଧ୍ୟା ଜନପଥ ମଲ୍ଲିକାପୁର ବିଧାନସଭା ଆସନରେ ଦିନକ ପରେ ଉପନିର୍ବାଚନ ଅନୁଷ୍ଠିତ ହେବ । ଫେବୃଆରୀ ୫ ତାରିଖରେ ଭୋଟ ଗ୍ରହଣ ହେବ । ଏହି ନିର୍ବାଚନରେ ସାଂସଦ ଅୱଧେଶ ପ୍ରସାଦଙ୍କ ପୁଅ ମଧ୍ୟ ପ୍ରାର୍ଥୀ ହୋଇଛନ୍ତି । ଏପରି ସମୟରେ ତାଙ୍କର କାନ୍ଦିବା ଭିଡିଓ ଭାଇରାଲ ହେଉଛି । ଯାହାକୁ ନେଇ ଏକାଧିକ ପ୍ରଶ୍ନ ଉଠିଛି ।

କଣ ପୂରା ମାମଲା- କିଛି ଦିନ ତଳେ ଉତ୍ତରପ୍ରଦେଶ ଅଯୋଧ୍ୟର ଶାନାୱାନ୍ ଗ୍ରାମସଭାର ସର୍ଦ୍ଦାରପଟେଲ ୱାର୍ଡରେ ଜଣେ ଦଳିତ ଯୁବତୀଙ୍କୁ ଦୁଷ୍କର୍ମ ଓ ହତ୍ୟା କରାଯାଇଥିଲା । ଦୁର୍ବୃତ୍ତ ଯୁବତୀଙ୍କ ହାତ ଗୋଡ ଭାଙ୍ଗି ଦେଇଥିବା ଦେଖିବାକୁ ମିଳିଥିଲା । ଘଟଣା ୟୁପିରେ ଚାଞ୍ଚଲ୍ୟ ଖେଳାଇ ଦେଇଥିଲା । ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେ ବିରୋଧୀ ।