ନୂଆଦିଲ୍ଲୀ,୦୨/୦୨: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୪ ବଜେଟରେ ଭାରତର ସାମୁଦ୍ରୟାନ ମିଶନ ପାଇଁ ୬୦୦ କୋଟି ଟଙ୍କା ଆବଣ୍ଟନ କରିଛନ୍ତି। ଏହି ମିଶନ ସମୁଦ୍ରର ଗଭୀରତାରେ ବୁଡ଼ାଜାହାଜ ମାଧ୍ୟମରେ ବୈଜ୍ଞାନିକମାନଙ୍କୁ ପଠାଇ ଅଧ୍ୟୟନ କରାଯିବ। ପୃଥ୍ବିୀ ବିଜ୍ଞାନ ମନ୍ତ୍ରଣାଳୟକୁ ବଜେଟରେ ୩୬୪୯.୮୧ କୋଟି ଟଙ୍କା ଆବଣ୍ଟନ କରାଯାଇଛି। ଏହା ପୂର୍ବ ବଜେଟ୍ ଠାରୁ ଅଧିକ ଅଟେ। ଗତ ବଜେଟରେ ମନ୍ତ୍ରଣାଳୟକୁ ୩୦୬୪.୮୦ କୋଟି ଟଙ୍କା ପ୍ରଦାନ କରାଯାଇଛି। ସାମୁଦ୍ରୟାନ ମିଶନ ପୃଥ୍ବିୀ ବିଜ୍ଞାନ ମନ୍ତ୍ରଣାଳୟ ଅଧୀନରେ ଆସେ। ପାଣିପାଗ ପୂର୍ବାନୁମାନ କ୍ଷମତା ପାଇଁ ପୃଥ୍ବୀ ବିଜ୍ଞାନ ମନ୍ତ୍ରଣାଳୟର ପ୍ରଥମ ମିଶନ୍ ମୌସମ ପାଇଁ ଅର୍ଥମନ୍ତ୍ରୀ ୧,୩୨୯ କୋଟି ଟଙ୍କା ମଧ୍ୟ ଆବଣ୍ଟନ କରିଛନ୍ତି।
ଚେନ୍ନାଇ ସ୍ଥିତ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଓସେନ୍ ଟେକ୍ନୋଲୋଜି (ଏନ୍ଆଇଓଟି) ଦ୍ବାରା ବିକଶିତ ଏକ ମାନବଯୁକ୍ତ ବୁଡ଼ାଜାହାଜ ଚଳିତ ବର୍ଷ ଶେଷରେ ସମୁଦ୍ରରେ ୫୦୦ ମିଟର ଗଭୀରତାକୁ ଏବଂ ଆସନ୍ତା ବର୍ଷ ସୁଦ୍ଧା ୬,୦୦୦ ମିଟର ଗଭୀରକୁ ସମୁଦ୍ର ଚଟାଣର ସନ୍ଧାନ କରିବାକୁ ପଠାଯିବ। ଗଭୀର ମହାସାଗର ମିଶନର ଉଦ୍ଦେଶ୍ୟ ହେଉଛି ଗଭୀର ସମୁଦ୍ର ସମ୍ବଳ ଅନୁସନ୍ଧାନ କରିବା ଏବଂ ଏଗୁଡ଼ିକର ସ୍ଥାୟୀ ବ୍ୟବହାର ପାଇଁ ଟେକ୍ନୋଲୋଜୀ ବିକାଶ କରିବା।
ଏହି ମିଶନରେ ଗଭୀର ସମୁଦ୍ର ଖନନ, ମାନବଯୁକ୍ତ ବୁଡ଼ାଜାହଜ ଏବଂ ଅଣ୍ଡର ୱାଟର ରୋବୋଟିକ୍ସ ପାଇଁ ଟେକ୍ନୋଲୋଜିର ବିକାଶ ଅନ୍ତର୍ଭୁକ୍ତ। ଗଭୀର ସମୁଦ୍ର ଜୈବ ବିବିଧତାର ଅନୁସନ୍ଧାନରେ ଜଡ଼ିତ। ଗଭୀର ସମୁଦ୍ର ସର୍ବେକ୍ଷଣ ଏବଂ ଅନୁସନ୍ଧାନ, ମହାସାଗର ଏବଂ ଜୀବବିଜ୍ଞାନରୁ ଶକ୍ତି ଏବଂ ମଧୁର ଜଳ ପାଇଁ ଏଥିରେ ଉନ୍ନତ ସାମୁଦ୍ରିକ ଷ୍ଟେସନ ନିର୍ମାଣ ମଧ୍ୟ କରାଯିବାକୁ ଲକ୍ଷ ରଖାଯାଇଛି।
ଜାନୁଆରୀ ୧୪ ରେ, ଭାରତ ପାଣିପାଗ ବିଭାଗ (ଆଇଏମଡି) ର ୧୫୦ ତମ ପ୍ରତିଷ୍ଠା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 'ମିଶନ ମୌସମ' ଆରମ୍ଭ କରିଥିଲେ, ଯାହା ଏଆଇ ଏବଂ ମେସିନ ଲର୍ଣ୍ଣିଂ ବ୍ୟବହାର କରି ପାଣିପାଗ ପୂର୍ବାନୁମାନରେ ଉନ୍ନତି ଆଣିବାକୁ ଲକ୍ଷ୍ୟ ରଖିଛି। ଏହି ମିଶନରେ ବାଦଲରୁ କୃତ୍ରିମ ଭାବରେ ବର୍ଷା କରାଇବା, ରାଡାର ସଂଖ୍ୟାକୁ ୧୫୦ ପ୍ରତିଶତରୁ ଅଧିକ ବୃଦ୍ଧି କରିବା ଏବଂ ନୂତନ ଉପଗ୍ରହ, ସୁପର କମ୍ପ୍ୟୁଟର ଏବଂ ଅନ୍ୟାନ୍ୟ ଉଦ୍ଭାବନ ଯୋଡ଼ିବାକୁ ଲକ୍ଷ ରଖାଯାଇଛି।
