ଦାରିଙ୍ଗବାଡି, ୨୧/୭ :ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ବନ ବିଭାଗ ସଂରକ୍ଷିତ ଜଙ୍ଗଲରେ ତାଳ ଗଛ ଚାରା ଲଗାଇବା ଆରମ୍ଭ ହୋଇ ଯାଇଛି । ଏହା ବାଲିଗୁଡ଼ା ବନଖଣ୍ଡ ପାଇଁ ପ୍ରଥମ ଶୁଭାରମ୍ଭ ଅଟେ । ବ୍ରାହ୍ମଣୀଗାଁ ବନାଞ୍ଚଳର ଋଷୀମାଳ ସଂରକ୍ଷିତ ଜଙ୍ଗଲରେ ଆଜି ପ୍ରଥମ କରି ତାଳ ଗଛ ଚାରା ରୋପଣର ଶୁଭାରମ୍ଭ କରାଯାଇଛି । ବ୍ରାହ୍ମଣୀଗାଁ ବନାଞ୍ଚଳ ଅଧିକାରୀ ହରିହର ବେହେରା ୠଷିମାଳ ସଂରକ୍ଷିତ ଜଙ୍ଗଲରେ ତାଳ ଚାରା ରୋପଣ କରି ଶୁଭାରମ୍ଭ କରିଛନ୍ତି । ବିଶେଷଜ୍ଞଙ୍କ ମତରେ ତାଳଗଛ ଯଥେଷ୍ଟ ପରିମାଣରେ ଥିବା ଅଞ୍ଚଳରେ ବଜ୍ରାଘାତରେ ଲୋକଙ୍କ ମୃତ୍ୟୁ ହେଉ ନଥିବା ବେଳେ ତାଳଗଛ ନ ଥିବା ଅଞ୍ଚଳରେ ବହୁ ସଂଖ୍ୟାରେ ବଜ୍ରାଘାତରେ ଲୋକଙ୍କ ଜୀବନ ଚାଲିଯାଇଥିବା ସର୍ଭେରୁ ଜଣାପଡିଛି । ଏଣୁ ରଜ୍ୟ ସରକାର ରାଜ୍ୟର କୋଣ ଅନୁକୋଣରେ ତାଳ ଗଛ ଲଗାଇବାକୁ ବିଜ୍ଞପ୍ତି ଜାରୀ କରିଛନ୍ତି । ଏହି କାର୍ଯ୍ୟ କ୍ରମରେ କାଟିଙ୍ଗିଆ ବନପାଳ ସରୋଜ ମଙ୍ଗରାଜ, ବ୍ରାହ୍ମଣୀଗାଁ ବନପାଳ ଦୀପକ ରଞ୍ଜନ ପଟ୍ଟନାୟକ, ଗଦାପୂର ବନପାଳ ସଞ୍ଜୟ ବେହେରା ପ୍ରମୁଖ   ସମୂହ ଉପସ୍ଥିତ ରହିଥିଲେ। ବ୍ରାହ୍ମଣୀଗାଁ ବନାଞ୍ଚଳ ଅଧୀନ ଋଷିମାଳ, ଗଦାପୁର, ମହାଗୁଡ଼ି, ଡଡାଙ୍ଗି ଓ କାଟିଙ୍ଗିଆ ସଂରକ୍ଷିତ ଜଙ୍ଗଲରେ ଚଳିତ ବର୍ଷ ୮୫୦୦ ତାଳ ଚାରା ଲଗାଯିବ ବୋଲି ବ୍ରାହ୍ମଣୀଗାଁ ରେଞ୍ଜର ସୁଚନା ଦେଇଛନ୍ତି ।