ବ୍ରହ୍ମପୁର,୨୦/୫ : ବାଲାଂଦେଶୀ ଅନୁପ୍ରବେଶ ରୋକିବାକୁ ପୋଲିସ ପ୍ରଶାସନର ପଦକ୍ଷେପ । ସମୁଦ୍ର କୁଳିଆ ଅଞ୍ଚଳରେ ପୋଲିସର କଡ଼ା ସୁରକ୍ଷା ସହ ପାଟ୍ରୋଲିଂ ବ୍ୟବସ୍ଥାକୁ ସୁଦୃଢ କରୁଛି । ବାଲାଂଦେଶୀଙ୍କୁ ଚିହ୍ନଟ କରି ତୁରନ୍ତ ଦେଶରୁ ବିତାଡ଼ିତ କରିବାକୁ ସରକାର ନିର୍ଦ୍ଦେଶ ଦେବା ପରେ ଏବେ ପୋଲିସ ପ୍ରଶାସନ ତତ୍ପର ହୋଇପଡିଛି ।
ଗୋପାଳପୁର, ପାତିସୋନପୁର, ଆର୍ଯ୍ୟପଲ୍ଲୀ ପ୍ରମୁଖ ସମୁଦ୍ର କୁଳିଆ ସ୍ଥାନ ଗୁଡ଼ିକରେ ପାଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରାଯାଇଥିବା ବ୍ରହ୍ମପୁର ଏସପି କହିଛନ୍ତି । ଏପଟେ ଦେଶର ସୁରକ୍ଷା ଦୃଷ୍ଟିରୁ ଗଞ୍ଜାମ ଜିଲ୍ଲାର ବ୍ରହ୍ମପୁର ସମେତ ବିଭିନ୍ନ ଅଞ୍ଚଳରେ ଦୀର୍ଘ ବର୍ଷ ଧରି ଆସ୍ଥାନ ଜମାଇଥିବା ବାଲାଂଦେଶୀଙ୍କୁ ଚିହ୍ନଟ କରି ତୁରନ୍ତ ବିତାଡ଼ିତ କରିବାକୁ ନିବେଦନ କରିଛନ୍ତି ସଚେତନ ନାଗରିକ ।
ପୋଲିସ ପ୍ରଶାସନର ନିର୍ଦ୍ଦେଶ କ୍ରମେ ସମୁଦ୍ର ତଟରେ ପାଟ୍ରୋଲିଂ କରିବା ସହ କୂଳରେ ଲାଗୁଥିବା ଡଙ୍ଗାକୁ ଯାଞ୍ଚ କରୁଛୁ । ଅଜଣା ବ୍ୟକ୍ତି ଧରାପଡ଼ିଲେ ସଙ୍ଗେସଙ୍ଗେ ଉଚ୍ଚ ପଦସ୍ଥ ଅଧିକାରୀଙ୍କୁ ଅବଗତ କରାଉଛୁ ବୋଲି କହିଛନ୍ତି ତଟ ସୁରକ୍ଷା କର୍ମଚାରୀ ।
