କାବୁଲ,୨୫/୧୨ : ଆଫଗାନିସ୍ତାନରେ ପାକିସ୍ତାନର ବଡ ହମଲା । ଆଫଗାନିସ୍ତାନ ବରମଲରେ ପାକିସ୍ତାନ ଏୟାରଷ୍ଟ୍ରାଇକ୍ କରିଛି । ଏଥିରେ ୧୫ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି । ଗୋଟିଏ ପରିବାରର ୫ଜଣଙ୍କର ମୃତ୍ୟୁ ହୋଇଥିବା ସୂଚନା । ମୃତକଙ୍କ ମଧ୍ୟରେ ଅଧିକାଂଶ ମହିଳା ଓ ଶିଶୁ ଥିବା ଜଣାପଡିଛି । ପାକିସ୍ତାନୀ ବିମାନରୁ ବୋମା ବର୍ଷଣ କରାଯାଇଥିବା ଦାବି ହୋଇଛି । ବରମଲର ମୁର୍ଗ ବଜାର ଉପରେ ବିମାନରୁ ବୋମା ବର୍ଷା ହୋଇଛି । କୁହାଯାଉଛି କି ଏହି ଏୟାରଷ୍ଟ୍ରାଇକ୍ ପାକିସ୍ତାନ କରିଛି ।
ଗଣମାଧ୍ୟମ ରିପୋର୍ଟ ଅନୁସାରେ, ପାକିସ୍ତାନୀ ଯୁଦ୍ଧ ବିମାନ ଆଫଗାନିସ୍ତାର କିଛି ସ୍ଥାନ ଉପରେ ବୋମା ପକାଇଛି । ପାକିସ୍ତାନର ଏହି ବଡ ହମଲା ବ୍ୟାପକ ଧ୍ବଂସ ଘଟାଇଛି । ପାକିସ୍ତାନ ଦ୍ବାରା ଏହି ଆକ୍ରମଣ ହୋଇଥିବା ଦାବି ହୋଇଛି । ତାଲିବାନ ପକ୍ଷରୁ ଏହାର ପ୍ରତିଶୋଧ ନିଆଯିବ ବୋଲି ଧମକ ଦେଇଛି । ପାକିସ୍ତାନୀ ଯୁଦ୍ଧ ବିମାନ ଦ୍ବାରା ଯେଉଁ ଅଞ୍ଚଳରେ ବୋମାମାଡ କରାଯାଇଛି ସେହି ଅଞ୍ଚଳରେ ୱାଡିରିସ୍ତାନୀ ଶରଣାର୍ଥୀ ମଧ୍ୟ ଥିଲେ । ପାକିସ୍ତାନୀ ଯୁଦ୍ଧ ବିମାନ ଆଫଗାନିସ୍ତାନର କିଛି ସ୍ଥାନରେ ବୋମା ପକାଇଛି । ମୁଗ ବଜାର ଗାଁ ବରମାଳ ଏହି ଏୟାରଷ୍ଟ୍ରାଇକ ବ୍ୟାପକ ଧ୍ବଂସ ଘଟାଇଛି । ରିପୋର୍ଟ ଲେଖା ହେବା ସୁଦ୍ଧା ୧୫ ଜଣଙ୍କର ମୃତ୍ୟୁ ହୋଇଛି । ସେଥିରୁ ଅଧିକାଂଶ ମହିଳା ଓ ଶିଶୁ ଥିବା ଜଣାପଡିଛି । ମୃତ୍ୟୁ ସଂଖ୍ୟା ବଢିପାରେ ବୋଲି ଆଶଙ୍କା କରାଯାଉଛି ।
ପାକିସ୍ତାନୀ ତାଲିବାନ କିମ୍ବା ତେହେରିକ-ଇ-ତାଲିବାର ପାକିସ୍ତାନ ଗତ କିଛି ମାସ ମଧ୍ୟରେ ପାକିସ୍ତାନୀ ସୈନ୍ୟ ଉପରେ ଆକ୍ରମଣକୁ ବଢାଇଛି ବୋଲି ଜଣାପଡିଛି । ଆପଗାନିସ୍ତାନ ଏହି ଆତଙ୍କବାଦୀଙ୍କୁ ଶରଣ ଦେଇଥିବା ପାକିସ୍ତାନ ଅଭିଯୋଗ କରିଛି । ଏହାକୁ ତାଲିବାନ ମନ୍ତ୍ରଣାଳୟ ପକ୍ଷରୁ ଖଣ୍ଡନ କରିଛି । ଏୟାରଷ୍ଟ୍ରାଇକରେ ଆହତଙ୍କୁ ଉଦ୍ଧାର କରାଯାଇ ଚିକିତ୍ସା ନିମନ୍ତେ ଡାକ୍ତରଖାନାରେ ଭର୍ତ୍ତି କରାଯାଇଛି । ପାକିସ୍ତାନୀ ଅଧିକାରୀ ମାନେ ଏୟାରଷ୍ଟ୍ରାଇକୁ ନେଇ କୌଣସି ସୂଚନା ଦେଇନାହାନ୍ତି ।
