ନୂଆଦିଲ୍ଲୀ: ପ୍ରାୟ ଦୁଇ ବର୍ଷ ପରେ ଇରାନ ନିଜ ଦେଶରେ ଗୁଗୁଲ ପ୍ଲେ ଏବଂ ହ୍ବାଟସ୍ ଆପ୍ ଉପରେ ଲଗାଇଥିବା ପ୍ରତିବନ୍ଧକକୁ ହଟାଇ ଦେଇଛି। ସୂଚନାଥାଉକି,ଯେ ଇରାନ ସରକାର ମଙ୍ଗଳବାର ଏହା ଘୋଷଣା କରିଛନ୍ତି ଏବଂ କହିଛନ୍ତି ଯେ ଦୁଇ ବର୍ଷରୁ ଅଧିକ ସମୟ ପରେ ହ୍ବାଟସ ଆପ୍' ଏବଂ 'ଗୁଗଲ୍ ପ୍ଲେ' ଉପରେ ଲାଗିଥିବା ପ୍ରତିବନ୍ଧକକୁ ହଟାଇ ଦେଇଛି। ସରକାରୀ ସମ୍ବାଦ ଏଜେନ୍ସି IRNA ଏହାର ସମ୍ବାଦରେ ଏହି ସୂଚନା ଦେଇଛି। ପ୍ରକାଶ ଥାଉକି ରାଷ୍ଟ୍ରପତି ମାସୁଦ ପେଜେଶକିଆନଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଦେଶର 'ସୁପ୍ରିମ କାଉନସିଲ ଅଫ ସାଇବର ସ୍ପେସ' ଏହି ନିଷ୍ପତ୍ତି ନେଇଛି।

ସୋସିଆଲ ମିଡିଆରେ ହୋଇଥିବା ପ୍ରତିବନ୍ଧକକୁ ହଟାଇବାକୁ ରାଷ୍ଟ୍ରପତି ପ୍ରତିଶ୍ରୁତି ଦେଇଛନ୍ତି । ସୋସିଆଲ ମିଡିଆ ପ୍ଲାଟଫର୍ମରେ ଇରାନର ଯୋଗାଯୋଗ ମନ୍ତ୍ରୀ ସତ୍ତର ହାସିମି ଏକ ପୋଷ୍ଟରେ କହିଛନ୍ତି । ରାଜଧାନୀ ତେହେରାନ ଏବଂ ଅନ୍ୟାନ୍ୟ ସହରରେ ଥିବା ଆସୋସିଏଟେଡ୍ ପ୍ରେସ୍‌କୁ ଅନେକ ଲୋକ କହିଛନ୍ତି ଯେ ସେମାନେ କମ୍ପ୍ୟୁଟରରେ ଉପରୋକ୍ତ ଦୁଇଟି ସେବାର ଲାଭ ଉଠାଇବାକୁ ସକ୍ଷମ କିନ୍ତୁ ମୋବାଇଲ୍ ଫୋନରେ ସେବା ଆରମ୍ଭ କରିବାରେ ଅସମର୍ଥ।