ୱାଶିଂଟନ୍, ୨୫।୧୨: ପୋଷ୍ୟ ସନ୍ତାନଙ୍କୁ ବଳାତ୍କାର ସମଲିଙ୍ଗୀ ଦମ୍ପତିଙ୍କୁ ୧୦୦ ବର୍ଷ ଜେଲ ଆମେରିକାର ଜର୍ଜିଆରେ ଏକ ସମଲିଙ୍ଗୀ ଦମ୍ପତିଙ୍କୁ ୧୦୦ ବର୍ଷ ଜେଲ୍ ଦଣ୍ଡାଦେଶ ହୋଇଛି । ଉଭୟେ ସେମାନଙ୍କ ପୋଷ୍ୟ ପୁତ୍ରକୁ ବଳାତ୍କାର ସହ ଯୌନ ନିର୍ଯାତନା ଦେଉଥିବା ଅଭିଯୋଗରେ ଦୋଷୀ ସାବ୍ୟସ୍ତ ହୋଇଛନ୍ତି । ସେମାନେ ୨ ଶିଶୁଙ୍କୁ ପୋଷ୍ୟ ଭାବେ ଗ୍ରହଣ କରିଥିଲେ । ଏବେ ଜଣଙ୍କ ବୟସ ୧୨ ଏବଂ ଅନ୍ୟ ଜଣଙ୍କର ୧୦ ବର୍ଷ । ସମଲିଙ୍ଗୀ ଦମ୍ପତି ୱିଲିୟମ ଜୁଲକ୍ ଏବଂ ଜେଚରୀ ଜୁଲକ୍ଙ୍କ ଘର ଶିଶୁଙ୍କ ପାଇଁ ଭୟଙ୍କର ନର୍କ ପାଲଟିଥିଲା । ସେମାନେ ନିଜ ଭୟାନକ ଇଚ୍ଛା ପାଇଁ ପ୍ରତ୍ୟେକ ଜିନିଷକୁ ମାନବିକତାଠାରୁ ଊଦ୍ଧ୍ୱର୍ରେ ରଖିଥିଲେ ବୋଲି ଅଦାଲତ ରାୟ ଶୁଣାଇବା ବେଳେ କହିଥିଲେ ।
ରିପୋର୍ଟ ଅନୁସାରେ, ଏହି ଦମ୍ପତ୍ତି ଦୁଇ ଶିଶୁଙ୍କୁ ନିଜ ସହ ଯୌନ ସମ୍ପର୍କ ରଖିବା ପାଇଁ ବାଧ୍ୟ କରୁଥିଲେ । ଏପରିକି ଅନ୍ୟମାନଙ୍କ ସହ ମଧ୍ୟ ଯୌନ ସମ୍ପର୍କ ରଖିବା ଲାଗି ଜୋର ଜବରଦସ୍ତି କରୁଥିଲେ । ସେମାନେ ଏହାର ଭିଡିଓ ବନାଇ ପର୍ନୋଗ୍ରାଫି ର୍ୟାକେଟ ଚଲାଉଥିବା ଗ୍ୟାଙ୍ଗ୍କୁ ବିକ୍ରି କରୁଥିଲେ । ଏହି ଭିଡିଓ ଡାଉନଲୋଡ କରିଥିବା ଜଣେ ବ୍ୟକ୍ତିଙ୍କୁ ପୁଲିସ ୨୦୨୨ରେ ଗିରଫ କରିବା ପରେ ଘଟଣା ସାମ୍ନାକୁ ଆସିଥିଲା । ପରେ ପୁଲିସ ଉଭୟଙ୍କୁ ଗିରଫ କରିଥିଲା । ଜେଚରୀ ଜଣେ ବ୍ୟାଙ୍କ କର୍ମଚାରୀ ହୋଇଥିବାବେଳେ ୱିଲିୟମ ସରକାରୀ କର୍ମଚାରୀ । ମାମଲାର ଶୁଣାଣିବେଳେ ଉଭୟେ ସେମାନଙ୍କ ଦୋଷ ସ୍ୱୀକାର କରିଛନ୍ତି ।
