ବୌଦ୍ଧ,୦୭/୧୧: ବୌଦ୍ଧ ପୋଲିସ ପକ୍ଷରୁ ଅପରେସନ ଗ୍ରୀନ କ୍ଲିନ୍ ଜାରି କରାଯାଇଛି । ବଘିଆପଡ଼ା ଫାଣ୍ଡି ଅନ୍ତର୍ଗତ ସୁନାଝରି ଏବଂ ଆମ୍ବଝରି ଗ୍ରାମ୍ୟ ଜଙ୍ଗଲରୁ ୮୭ ହଜାର ଗଞ୍ଜେଇ ଗଛ ନଷ୍ଟ କରିଛି ପୋଲିସ । ଏହାର ମୂଲ୍ୟ ୮ କୋଟି ୭୦ ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି । 

ବୌଦ୍ଧ ଅଞ୍ଚଳରେ ନିୟମିତ ଭବରେ ଗଞ୍ଜେଇ ଚାଲାଣ ହେଉଥିବା କାରଣରୁ ପୋଲିସ ଏଭଳି ପଦକ୍ଷେପ ନେଇଛି । ଦୁଇଟି ସ୍ଥାନରେ ଆଦର୍ଶ ଥାନା ପକ୍ଷରୁ ଅପରେସନ ଗ୍ରୀନ କ୍ଲିନ୍ ଆରମ୍ଭ କରାଯାଇଥିଲା । ବଘିଆପଡ଼ା ଫାଣ୍ଡି ଅନ୍ତର୍ଗତ ସୁନାଝରି ଏବଂ ଆମ୍ବଝରି ଗ୍ରାମ୍ୟ ଜଙ୍ଗଲର ୮୭ ଏକର ଜଙ୍ଗଲ ଜମିର ୮୭ ହଜାରରୁ ଉର୍ଦ୍ଧ୍ବ ଗଞ୍ଜେଇ ଗଛ ନଷ୍ଟ କଲା ପୋଲିସ । ଏହି ଗଞ୍ଜେଇ ଗଛର ମୁଲ୍ୟ ୮ କୋଟି ୭୦ ଲକ୍ଷ ଟଙ୍କା ବୋଲି ସୂଚନା ମିଳିଛି । ସମସ୍ତ ଗଞ୍ଜେଇ ଗଛ ମାଜିଷ୍ଟ୍ରେଟ ରଜାଏ ରସୁଲଙ୍କ ଉପସ୍ଥିତିରେ ପୋଡ଼ା ଯାଇଥିଲା ।