ବୌଦ୍ଧ,୧୦/୧୧: ତୃତୀୟ ଦିନରେ ବୌଦ୍ଧ ପୋଲିସର ଅପରେସନ ଗ୍ରୀନ କ୍ଲିନ୍ ଆରମ୍ଭ । ବଘିଆପଡ଼ା ଫାଣ୍ଡି ଅନ୍ତର୍ଗତ ସୁନାଝରି ଏବଂ ଆମ୍ବଝରି ଗ୍ରାମ୍ୟ ଜଙ୍ଗଲରୁ ଗଞ୍ଜେଇ ଗଛ ନଷ୍ଟ କରିଛି ପୋଲିସ । ୬୭ ଏକର ଜଙ୍ଗଲ ଜମିରୁ ପ୍ରାୟ ୬୭ ହଜାର ଗଞ୍ଜେଇ ଗଛ ନଷ୍ଟ କରାଯାଇଛି । 

ବୌଦ୍ଧ ଅଞ୍ଚଳରେ ନିୟମିତ ଭବରେ ଗଞ୍ଜେଇ ଚାଲାଣ ହେଉଥିବା କାରଣରୁ ପୋଲିସ ଏଭଳି ପଦକ୍ଷେପ ନେଇଛି । ଦୁଇଟି ସ୍ଥାନରେ ଆଦର୍ଶ ଥାନା ପକ୍ଷରୁ ଅପରେସନ ଗ୍ରୀନ କ୍ଲିନ୍ ଆରମ୍ଭ କରାଯାଇଥିଲା । ଏହାର ତୃତୀୟ ଦିନରେ ବଘିଆପଡ଼ା ଫାଣ୍ଡି ଅନ୍ତର୍ଗତ ସୁନାଝରି ଏବଂ ଆମ୍ବଝରି ଗ୍ରାମ୍ୟ ଜଙ୍ଗଲର ୬୭ ଏକର ଜଙ୍ଗଲ ଜମିରୁ ୬୭ ହଜାର ଗଞ୍ଜେଇ ଗଛ ନଷ୍ଟ କଲା ପୋଲିସ । ଏହି ଦୁଇ ଜଙ୍ଗଲରୁ ପ୍ରାୟ ୨ ଲକ୍ଷ ଗଞ୍ଜେଇ ଗଛ ପୋଡା ଯାଇଛି । ଏହାର ମୁଲ୍ୟ ୬ କୋଟିରୁ ଉର୍ଦ୍ଧ୍ବ ଟଙ୍କା ହୋଇଥିବା ବେଳେ ଆଜି ପର୍ଯ୍ୟନ୍ତ ୧୯୫ ଏକର ଗଞ୍ଜେଇ ଚାଷ ନଷ୍ଟ କରିଛି ପୋଲିସ ।