କଟକ,୨୨/୦୭: କିଶନ ନଗରରେ ବଢୁଛି ଦେଶୀ ମଦ କାରବାର । ଯସପଡା ଗ୍ରାମରୁ ୧୦୦ ଲିଟର ଦେଶୀ ମଦ ଜବତ ହୋଇଛି। ଦେଶୀମଦ ବେପାର କରୁଥିବା ଅଭିଯୋଗରେ ଜଣେ ମହିଳା ଗିରଫ ହୋଇଛନ୍ତି।
ସୂଚନା ଅନୁଯାୟୀ, କଟକ ଜିଲ୍ଲାର କିଶନ ନଗର ଥାନା ଅନ୍ତର୍ଗତ ଯସପଡା ଗ୍ରାମରେ ବାସନ୍ତୀ ମୁର୍ମୁ ନାମକ ଜଣେ ମହିଳା ଦେଶୀମଦ ବେପାର କରୁଥିଲେ । ଖବର ପାଇ ସ୍ଥାନୀୟ ଲୋକେ ମହିଳାଙ୍କୁ ଅଟକ ରଖି କିଶନ ନଗର ପୋଲିସ ଜିମା ଦେଇଛନ୍ତି । ମହିଳାଙ୍କ ପାଖରୁ ୧୦୦ ଲିଟର ଦେଶୀ ମଦ ଜବତ ହୋଇଛି। ପୋଲିସ ମଦ ବେପାରୀ ବାସନ୍ତୀ ମୁର୍ମୁଙ୍କୁ ଅଟକ ରଖି ପଚରା ଉଚରା କରୁଥିବା ସୂଚନା ମିଳିଛି । ଅନ୍ୟପଟେ କିଶନନଗର ପୋଲିସର ନିଦାବିଷ୍ଣୁ ନୀତି ଯୋଗୁ ଏହି ଅଞ୍ଚଳରେ ବ୍ୟାପକ ଭାବେ ଦେଶୀ ମଦର ଚୋରା କାରବାର ହେଉଛି । ତୁରନ୍ତ ଦେଶୀମଦ ବେପାରୀଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜନସାଧାରଣ ଲୋକେ ଦାବି କରିଛନ୍ତି ।