ପାଟଣାଗଡ,୧୦।୯ : ପାଟଣାଗଡ ବେଲପଡ଼ା ବ୍ଲକର ନୁନହାଡରେ ଅଭାବନୀୟ ଘଟଣା ଦେଖିବାକୁ ମିଳିଛି। ୩ ଜଣ ଯୁବତୀଙ୍କ ଉପରେ କାର ମାଡିଯିବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ହୋଇଛନ୍ତି।  ମୃତକ ଜଣକ ହେଲେ ନୁନହାଡ ଗ୍ରାମର ଭୋଲେଶ୍ୱରି ମାଝୀ। ଗୁରୁତରମାନେ ହେଲେ  ଜେମନ୍ତ ମାଝୀ ଓ ପ୍ରତିମା ଧାରୁଆ । ଏହି ଘଟଣା ପରେ ଉତ୍ତେଜନା ଦେଖା ଦେଇଛି। 

ମଙ୍ଗଳବାର ସନ୍ଧ୍ୟାରେ ନୁନହାଡ ଗ୍ରାମର ଭୋଲେଶ୍ୱରି ମାଝୀ, ଜେମନ୍ତ ମାଝୀ ଓ ପ୍ରତିମା ଧାରୁଆ ତାଙ୍କ ଘର ସମ୍ମୁଖ ରେ ଛିଡା ହୋଇଥିଲେ। ଏହି ସମୟରେ ଏକ କାର ଦ୍ରୁତ ଗତିରେ ଆସି   ୩ ଜଣଙ୍କୁ ଧକ୍କା ଦେଇଥିଲା। ଏଥିରେ ୩ ଜଣ ଯୁବତୀ ଗୁରୁତର ହୋଇଥିଲେ।  ଗୁରୁତର ୩ ଜଣଙ୍କୁ  ବେଲପଡ଼ା ମେଡିକାଲରେ ଭର୍ତ୍ତି କରାଯାଇଥିଲା। ଭୋଲେଶ୍ୱରି ମାଝୀଙ୍କ ଅବସ୍ଥା  ଗୁରୁତର ହେବାରୁ ତାଙ୍କୁ ପାଟଣାଗଡ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା। ଭୋଲେଶ୍ୱରୀଙ୍କୁ ଡାକ୍ତର ମୃତ ଘୋଷଣା କରିଥିଲେ। ଘଟଣା ପରେ ଉତ୍ତେଜନା ଦେଖା ଦେଇଛି।  ସ୍ଥାନୀୟ ଲୋକେ ଉତ୍ତ୍ୟକ୍ତ ହୋଇ ଟାୟାର ଜାଳି ବେଲପଡ଼ା କଣ୍ଟାବାଞ୍ଜି ରାସ୍ତା ଅବରୋଧ କରିଛନ୍ତି । ଘଟଣା ସ୍ଥଳରେ ବେଲପଡ଼ା ପୋଲିସ ପହଞ୍ଚି ଲୋକଙ୍କୁ ବୁଝା ସୁଝା କରୁଛି।