ମାଲକାନଗିରି/କୋରକୁଣ୍ଡା, ୧/୨(ଆପ୍ର ) : ନାବାଳିକାଙ୍କୁ ଭୟ ଦେଖାଇ ଶାରୀରିକ ସମ୍ପର୍କ ରଖିଲେ ବୃଦ୍ଧ। ଘରେ କହିଦେଲେ ଜୀବନରୁ ମାରିଦେବାକୁ ଦେଲେ ଧମକ। ଶେଷରେ ନାବାଳିକା ଜଣଙ୍କ ଗର୍ଭବତୀ ହେବା ପରେ ଥାନାରେ ଅଭିଯୋଗ କରିଛନ୍ତି। ପୋଲିସ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ମାଲକାନଗିରି ଜିଲ୍ଲା ଓରକେଲ ଥାନା ଅନ୍ତର୍ଗତ ସୋମନାଥପୁର ପଞ୍ଚାୟତର ଏକ ଗ୍ରାମରେ ଏପରି ଘଟଣା ଦେଖିବାକୁ ମିଳିଛି।
ନାବାଳିକା ଜଣକ କାମ କରିବା ନିମନ୍ତେ ଗତ ୪ ମାସ ତଳେ ଧାନ ବିଲକୁ ଯାଇଥିଲା। ସେହି ସମୟରେ ସେଠାରେ କାମ କରୁଥିବା ସେହି ଗ୍ରାମର ଶ୍ୟାମ ସୀସା(୬୦)ଙ୍କ ସମ୍ପର୍କରେ ନାବାଳିକା ଜଣକ ଆସିଥିଲେ। ଦିନେ ବୃଦ୍ଧ ଜଣକ କିଛି କାମ ଅଛି ବୋଲି କହି ନାବାଳିକା ଜଣଙ୍କୁ ଡାକିନେଇ ନିକଟସ୍ଥ ଜଙ୍ଗଲରେ ଶାରୀରିକ ସମ୍ପର୍କ ରଖିଥିଲେ । ଘରେ ଏସବୁ କଥା କହିଲେ ଜୀବନରେ ମାରିଦେବ ବୋଲି ବୃଦ୍ଧ ଜଣକ ନାବାଳିକାକୁ ଧମକ ଦେଇଥିଲା । ଗତ କିଛି ଦିନ ତଳେ ନାବାଳିକା ଜଣଙ୍କ ପେଟ କାଟିବାରୁ ସେ ବାଧ୍ୟହୋଇ ନିଜ ମା’ ଙ୍କୁ କହିଥିଲା। ପରେ ନାବାଳିକାର ମା’ ଜଣଙ୍କ ସ୍ୱାସ୍ଥ୍ୟକେନ୍ଦ୍ରକୁ ନେଇ ଚିକିତ୍ସା କରାଇବା ପରେ ଡାକ୍ତର ଗର୍ଭବତୀ ଥିବା କହିଥିଲେ। ଏହାପରେ ଝିଅ ସବୁ ସତ କଥା ମା’ ଆଗରେ କହିଥିଲା। ପରେ ନାବାଳିକାର ମା’ ଓରକେଲ ଥାନା କୁ ଆସି ଏକ ଲିଖିତ ଅଭିଯୋଗ କରିଥିଲେ। ଏସଆଇ ଅଜିତ ସିଂ ବରିହା ଙ୍କ ନେତୃତ୍ୱରେ ଏକ ଟିମ ଘଟଣାର ସମ୍ପୂର୍ଣ୍ଣ ତଦନ୍ତ ପରେ ବୃଦ୍ଧ ଶ୍ୟାମ ସୀସାଙ୍କୁ ଗିରଫ କରି କୋର୍ଟ ଚାଲାଣ କରିଛି।
