କଟକ, ୧/୨ : ଆସନ୍ତା ୭ ତାରିଖରେ ରିଲିଜ୍ ହେବାକୁ ଯାଉଛି ଓଡିଆ ଚଳଚ୍ଚିତ୍ର 'ସନାତନୀ-କର୍ମ ହିଁ ଭଗବାନ '। ତେବେ ରିଲିଜ୍ ପୂର୍ବରୁ ଚଳଚିତ୍ରର କଥା ବସ୍ତୁକୁ ନେଇ ବିବାଦ ଦେଖା ଦେଇଛି । ବିଜୟ କାଣ୍ଡୋଇ ପ୍ରାୟୋଜିତ ଏହି ଚଳଚ୍ଚିତ୍ରଟି ଉପାନ୍ତ ଅଞ୍ଚଳରେ ଧର୍ମାନ୍ତରୀକରଣ ପ୍ରସଙ୍ଗକୁ ନେଇ ତିଆରି ହୋଇଛି । ତେବେ ଚଳଚ୍ଚିତ୍ର ରିଲିଜ ହେଲେ ରାଜ୍ୟର କିଛି ଅଞ୍ଚଳରେ ପ୍ରତିକ୍ରିୟା ଦେଖାଯାଇ ପାରେ ବୋଲି ଗୁଇନ୍ଦା ଵିଭାଗ ରାଜ୍ୟ ସରକାରଙ୍କୁ ଅଵଗତ କରାଇଥିଵା ସୂଚନା ମିଳିଛି।
ତେବେ ପ୍ରଯୋଜକ କହିଛନ୍ତି, ଫିଲ୍ମଟିରେ କୌଣସି ବିବାଦୀୟ କଥା ନାହିଁ, ଲୋକେ ସାକ୍ଷର ଓ ସଚେତନ ହେଲେ ଧର୍ମାନ୍ତରୀକରଣକୁ ରୋକାଯାଇପାରିଵ ଭଳି କଥା ବସ୍ତୁକୁ ନେଇ ଫିଲ୍ମଟି ତିଆରି କରାଯାଇଛି ।
