ସମ୍ବଲପୁର,୦୩/୦୨: ସୋମବାର ‘ସମର୍ଥ’ ସମ୍ପାଦକ ହରିଶ୍ଚନ୍ଦ୍ର ଦାସଙ୍କୁ ରିମାଣ୍ଡରେ ଆଣି ଖୋଳତାଡ଼ କରିବ ପୁଲିସ୍ । ୩ ଦିନିଆ ରିମାଣ୍ଡ ମାଗିଥିବା ପୁଲିସ୍କୁ କୋର୍ଟ ଅନୁମତି ଦେଇଛନ୍ତି । ୯ ଅନ୍ତେବାସୀଙ୍କ ମୃତ୍ୟୁ ଘଟଣା ଓ ନିର୍ଯାତନା ଘଟଣା ସମ୍ପର୍କରେ ଅଧିକ ତଥ୍ୟ ହାସଲ କରାଯିବ । ତେଣୁ ସୋମବାର ରିମାଣ୍ଡରେ ଆଣି ଅଧିକ ତଦନ୍ତ କରାଯିବ ବୋଲି ଜଣେ ବରିଷ୍ଠ ପୁଲିସ୍ ଅଧିକାରୀ କହିଛନ୍ତି ।
‘ସମର୍ଥ’ ନିର୍ଯାତନା ମାମଲାରେ ଯୋଡ଼ିହେଲା ଯୌନ କେଳେଙ୍କାରୀ, ସମ୍ପାଦକ ହରିଶ୍ ବିରୋଧରେ ଦୁଷ୍କର୍ମ ଅଭିଯୋଗ
ଶନିବାର ଆଦର୍ଶ ଶିଶୁ ମନ୍ଦିର ପରିଚାଳିତ ଜାଗୃତି ବିଦ୍ୟାମନ୍ଦିରରୁ କମ୍ପ୍ୟୁଟର ହାର୍ଡଡିସ୍କ ଜବତ ହୋଇଥିଲା । ପୁଲିସ୍ ବିଦ୍ୟାଳୟରେ ପହଞ୍ଚି ସମସ୍ତ କାଗଜପତ୍ର ଯାଞ୍ଚ କରିବା ସହ କମ୍ପ୍ୟୁଟରକୁ ଜବତ କରିଥିଲା । ‘ସମର୍ଥ’ ନିର୍ଯାତନା ଘଟଣାରେ ସମ୍ପାଦକ ହରିଶଚନ୍ଦ୍ର ଦାସଙ୍କ ୪ ଜଣ ଗିରଫ ହୋଇଛନ୍ତି । ଏଥିରେ ହରିଶର ପୁଅ ଶୁଭ୍ରଜିତ ଦାସ, କେୟାରଟେକର ଶୁଭମ ବେହେରା ଓ ସ୍ୱାଗତିକା ପ୍ରଧାନକୁ ଗିରଫ କରାଯାଇଛି। ଗିରଫ ହେବା ପରେ ହରିଶଙ୍କ ନାଁରେ ଦୁଷ୍କର୍ମ ମାମଲା ରୁଜୁ ହୋଇଥିଲା । ତେଣୁ ତାଙ୍କର ଡାକ୍ତରୀମାଇନା ହୋଇନି।
ମାନସିକ ଅନଗ୍ରସର ଥଇଥାନ କେନ୍ଦ୍ରରେ ଅକଥନୀୟ ନିର୍ଯାତନା, ୪୪ ଅନ୍ତେବାସୀଙ୍କ ଉଦ୍ଧାର କଲା ପୋଲିସ
