ଭୁବନେଶ୍ଵର, ୦୩/୦୨ : ଏକଲବ୍ୟ ଆଦର୍ଶ ବିଦ୍ୟାଳୟରେ ଛାତ୍ରଙ୍କୁ ରାଗିଂ ଅଭିଯୋଗ। ଜୁନିଅର ଛାତ୍ରଙ୍କୁ ରାଗିଂ କରିବା ସହ ମାଡ଼ ମାରୁଛନ୍ତି ସିନିୟର ଛାତ୍ର। ବଲାଙ୍ଗୀର ଜିଲ୍ଲା ପୁଇଁତଳା ଥାନା ଡୁମେବାହାଲ ଏକଲବ୍ୟ ମଡେଲ ସ୍କୁଲରେ ରାଗିଂ ହେଉଥିବା ଅଭିଯୋଗ ହୋଇଛି। ପୀଡ଼ିତ ଛାତ୍ରଙ୍କ ପରିବାର ଥାନାରେ ଏତଲା ଦେଇଛନ୍ତି। ପୋଲିସ ଏହି ଘଟଣାରେ ଛାନଭିନ୍ ଆରମ୍ଭ କରିଛି।
ସୂଚନାନୁଯାୟୀ, ଡୁମେବାହାଲ ଏକଲବ୍ୟ ମଡେଲ ସ୍କୁଲର ଯୁକ୍ତ ୨ ଛାତ୍ରମାନେ କନିଷ୍ଠ ଛାତ୍ରମାନଙ୍କୁ ରାଗିଂ କରିଛନ୍ତି। ଅଷ୍ଟମ ଶ୍ରେଣୀର ୧୪ ଜଣ ଛାତ୍ରଙ୍କୁ ଏକ ରୁମରେ ଭର୍ତ୍ତି କରି ମାଡ଼ ମାରିବା ସହ ଶାରିରୀକ ନିର୍ଯାତନା ଦେଇଥିବା ସୂଚନା ମିଳିଛି। ରାଗିଂର ଶିକାର ହୋଇଥିବା ଛାତ୍ରଙ୍କ ପରିବାର ଲୋକ ଏନେଇ ପୁଇଁତଳା ଥାନାରେ ଅଭିଯୋଗ କରିଛନ୍ତି। ଏତଲା ଦେବା ପରେ ପୋଲିସ ତଦନ୍ତ ଆରମ୍ଭ କରିଛି।
ଏହି ଖବରଟିକୁ ପଢନ୍ତୁ-ହାପ୍ ପ୍ୟାଣ୍ଟ ଓ ଟି-ସାର୍ଟ ପିନ୍ଧି ମଣ୍ଡିରେ ଜିଲ୍ଲାପାଳ, ଅନିୟମିତତା ଦେଖିବାରୁ ଅଧିକାରୀଙ୍କୁ ସୋ କଜ୍ ନୋଟିସ୍
