ନୂଆଦିଲ୍ଲୀ: ହାଇଓ୍ବେରେ ଥିବା ଟୋଲ୍ କଲେକ୍ସନ ସିଷ୍ଟମ ବନ୍ଦ ହୋଇ ନୂଆ ସାଟେଲାଇଟ୍ ବ୍ୟବସ୍ଥା କରାଯିବ । ଏନେଇ ବଡ଼ ଘୋଷଣା କରିଛନ୍ତି କେନ୍ଦ୍ର ସଡକ ପରିବହନ ମନ୍ତ୍ରୀ ନୀତିନ ଗଡକରୀଙ୍କ ବଡ଼ ନିଷ୍ପତ୍ତି। ଶୁକ୍ରବାର ସେ କହିଛନ୍ତି ଯେ ସରକାର ଟୋଲ ରଦ୍ଦ କରୁଛନ୍ତି ଏବଂ ଖୁବ୍ ଶୀଘ୍ର ସାଟେଲାଇଟ୍ ଆଧାରିତ ଟୋଲ ସଂଗ୍ରହ ବ୍ୟବସ୍ଥା ଆରମ୍ଭ ହେବ। ଟୋଲ ସଂଗ୍ରହ ବୃଦ୍ଧି କରିବା ଏବଂ ଟୋଲ ପ୍ଲାଜାରେ ଭିଡ଼ କମାଇବା ଲାଗି ଏହି ସିଷ୍ଟମ ଲାଗୁ ହେବ ।
ରାଜ୍ୟସଭାରେ ସେ ଏହା ମଧ୍ୟ କହିଛନ୍ତି ଯେ, ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ ଗ୍ଲୋବାଲ୍ ନେଭିଗେସନ୍ ସାଟେଲାଇଟ୍ ସିଷ୍ଟମ୍ (ଜିଏନ୍ଏସ୍ଏସ୍) କାର୍ଯ୍ୟକାରୀ କରିବାକୁ ଯାଉଛି। ଏବେ ଏହା କେବଳ ମନୋନୀତ ଟୋଲ୍ ପ୍ଲାଜାରେ ଲାଗିବ। ଏହାପୂର୍ବରୁ ନ୍ୟୁଜ୍ ଏଜେନ୍ସି ଏଏନଆଇକୁ ଦେଇଥିବା ସାକ୍ଷାତକାରରେ ନୀତିନ ଗଡକରୀ କହିଥିଲେ, ‘ ଆମେ ଟୋଲ୍ ସଂଗ୍ରହ ସିଷ୍ଟମରେ ପରିବର୍ତ୍ତନ କରୁଛୁ । ସାଟେଲାଇଟ ଭିତ୍ତିକ ଟୋଲ ସଂଗ୍ରହ ବ୍ୟବସ୍ଥା କରାଯିବ । ଆପଣଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା କଟାଯିବ ଏବଂ ଦୂରତା ଅନୁଯାୟୀ ଫି ଆଦାୟ କରାଯିବ।’
GNSS- ଆଧାରିତ ସିଷ୍ଟମଗୁଡ଼ିକ ଉପରେ ହିତାଧିକାରୀମାନଙ୍କ ସହିତ ପରାମର୍ଶ କରିବା ପାଇଁ ଜୁନ୍ ୨୫ରେ ଏକ ଆନ୍ତର୍ଜାତୀୟ କର୍ମଶାଳା ଆୟୋଜନ କରାଯାଇଥିଲା। ଏହାପୂର୍ବରୁ ଡିସେମ୍ବର ମାସରେ ନୀତିନ ଗଡକରୀ ଘୋଷଣା କରିଥିଲେ ଯେ ମାର୍ଚ୍ଚ ୨୦୨୪ ସୁଦ୍ଧା ନ୍ୟାସନାଲ ହାଇୱେ ଅଥରିଟି ଅଫ୍ ଇଣ୍ଡିଆ (NHAI) ଏହି ନୂତନ ବ୍ୟବସ୍ଥା କାର୍ଯ୍ୟକାରୀ କରିବାକୁ ଲକ୍ଷ୍ୟ ରଖିଛି। ପ୍ରକ୍ରିୟାଗୁଡ଼ିକୁ ଶୃଙ୍ଖଳିତ କରିବା ଏବଂ ଟୋଲ ପ୍ଲାଜାରେ ଅପେକ୍ଷା ସମୟ ହ୍ରାସ କରିବା ପାଇଁ ବିଶ୍ୱ ବ୍ୟାଙ୍କକୁ ସୂଚନା ଦିଆଯାଇଛି। FASTag ପାଇଁ ଟୋଲ୍ ପ୍ଲାଜାରେ ଅପେକ୍ଷା ସମୟ ଯଥେଷ୍ଟ ହ୍ରାସ ପାଇଛି।