ନୂଆଦିଲ୍ଲୀ,୨୬/୦୩: ଏକ ତରଫା ପ୍ରେମର କରୁଣ ପରିଣତି । ବାପା ଓ ଝିଅକୁ ଗୁଳି କରିବା ପରେ ନିଜକୁ ଗୁଳି କରିଲା ଯୁବକ । ବିହାର ଆରା ରେଲଓ୍ବେ ଷ୍ଟେସନରେ ଘଟିଛି ଅଘଟଣ। ୩ ମୃତଦେହ ଉଦ୍ଧାର କରି ତଦନ୍ତ ଜାରି ରଖିଛି ଆରା ପୋଲିସ ।
ସୂଚନା ମୁତାବକ, ଗତକାଲି ଅର୍ଥାତ ମଙ୍ଗଳବାର ସନ୍ଧ୍ୟାରେ ବିହାରର ଆରା ରେଳ ଷ୍ଟେସନରେ ଜଣେ ଯୁବକ ଜଣେ ୧୬ ବର୍ଷୀୟା ଝିଅ ଏବଂ ତାଙ୍କ ବାପାଙ୍କୁ ଗୁଳି କରି ହତ୍ୟା କରିଥିଲା। ଏହା ପରେ ଅଭିଯୁକ୍ତ ଜଣକ ନିଜକୁ ମଧ୍ୟ ଗୁଳି କରି ଜୀବନ ହାରିଥିବା ପୋଲିସ ପକ୍ଷରୁ ସୂଚନା ଦିଆଯାଇଛି । ପୋଲିସ ଜାତୀୟ ଗଣମାଧ୍ୟମକୁ କହିଛି ଯେ, ଘଟଣାଟି ପ୍ଲାଟଫର୍ମ ନମ୍ବର ୨ ଏବଂ ପ୍ଲାଟଫର୍ମ ନମ୍ବର ୩ କୁ ସଂଯୋଗ କରୁଥିବା ଫୁଟ ଓଭର ବ୍ରିଜରେ ଘଟିଛି । ଭୋଜପୁର ଜିଲ୍ଲା ପୋଲିସ ଅଧୀକ୍ଷକ (ଏସପି) ରାଜ କହିଛନ୍ତି ଯେ ବନ୍ଧୁକଧାରୀ ଅମନ କୁମାର ବୋଲି ଚିହ୍ନଟ ହୋଇଛି ।
ଏହା ମଧ୍ୟ ପଢନ୍ତୁ- ଦିଶା ସାଲିୟାନ ମୃତ୍ୟୁ ମାମଲା: ଆଦିତ୍ୟ ଠାକରେ, ରିୟାଙ୍କ ବିରୋଧରେ ଏଫ୍ଆଇଆର
ସେପଟେ ଘଟଣା ପରେ ରେଳ ଷ୍ଟେସନରେ ଉତ୍ତେଜନା ପ୍ରକାଶ ପାଇଥିଲା । କୁହାଯାଉଛି ଯେ ସମସ୍ତ ମୃତକ ଉଦବନ୍ତନଗର ଥାନା ଅଞ୍ଚଳର ବାସିନ୍ଦା ଥିଲେ । ଏସପି କହିଛନ୍ତି, ‘ସେ ପ୍ରଥମେ ଝିଅକୁ ଏବଂ ତା’ପରେ ତାଙ୍କ ବାପାଙ୍କୁ ଗୁଳି କରିଥିଲେ, ତା’ପରେ ସେ ନିଜକୁ ଗୁଳି କରିଥିଲେ ଏବଂ ତିନିଜଣ ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା । ’ ତେବେ ହତ୍ୟା ପଛର କାରଣ ବର୍ତ୍ତମାନ ଯାଏଁ ଅସ୍ପଷ୍ଟ ରହିଛି ।କିନ୍ତୁ ଏକ ତରଫା ପ୍ରେମ ସମ୍ପକକୁ ନେଇ ଏଭଳି ଘଟଣା ଘଟିଥିବା ଅନୁମାନ ଯାଉଛି । ପୋଲିସ ତିନୋଟି ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଥିବା ବେଳେ ତଦନ୍ତ ଆରମ୍ଭ କରିଛି ।
