ଭଦ୍ରକ ,୩୦/୦୫: ଘୋଷଣା ହୋଇଛି ଭଦ୍ରକ ଜିଲ୍ଲା ବିଜେଡ଼ିର ବିଭିନ୍ନ ବ୍ଲକ, ଏନଏଏସି ଓ ପୌରପାଳିକାର ସଭାପତିଙ୍କ ନାମ ।  ଭଦ୍ରକ ଜିଲ୍ଲା ବିଜେଡି ସଂଗଠନକୁ କ୍ରିୟାଶୀଳ କରିବ ନବଗଠିତ  ଟିମ୍ । ଆଗାମୀ ଦିନରେ ହେବାକୁ ଥିବା ନିର୍ବାଚନ ନିମନ୍ତେ ଏହି ପଦାଧିକାରୀ ନିଜର ସଂଗଠନ ସଜାଡିବେ। ଏଥିସହ ତୃଣମୂଳ ସ୍ତରର ଲୋକଙ୍କ କଥା ବୁଝିବେ। ସେହିପରି ଜନ ସେବାରେ ନିୟୋଜିତ ହୋଇ ଲୋକଙ୍କ ପାଇଁ କାମ କରିବେ ବୋଲି ଜିଲ୍ଲା ବିଜେଡି ସଭାପତି ଜଗନ୍ନାଥ ସ୍ୱାଇଁ କହିଛନ୍ତି।

ତେବେ  ଆଜି ପାର୍ଟି କାର୍ଯ୍ୟଳୟରେ ଏନେଇ ଆୟୋଜିତ ସାମ୍ବାଦିକ ସମିଳନୀରେ ଜଗନ୍ନାଥ  ସ୍ୱାଇଁ ସୂଚନା ଦେଇ କହିଛନ୍ତି ଯେ, ନବଗଠିତ ଟିମର ଭଦ୍ରକ ବ୍ଲକ ସଭାପତି ଭାବେ ପ୍ରଫୁଲ୍ଲ ନାୟକ, ଭଦ୍ରକ ପୌରପାଳିକା ପାଇଁ ସେକ ଜକ୍କାଉଲ୍ଲା, ଚାନ୍ଦବାଲି ଏନ ଏସି ପାଇଁ ଦିଜବର ରାଉତ, ବ୍ଲକ ପାଇଁ ପ୍ରତାପ ଚନ୍ଦ୍ର ଧଳ, ବାସୁଦେବପୁର ମୁନିସ ପାଲିଟି ପାଇଁ ଶ୍ୟାମସୁନ୍ଦର ମହାନ୍ତି ଓ ବ୍ଲକ ପାଇଁ ଦିନବନ୍ଧୁ ଦାସ, ଧାମନଗର ଏନଏସି ପାଇଁ ବିଜୟ କେତନ ସାହୁ, ବ୍ଲକ ପାଇଁ ପ୍ରତାପ ସାମଲ, ତିହିଡି ବ୍ଲକ ପାଇଁ ସୁରେନ୍ଦ୍ର କୁମାର ନାୟକ, ବନ୍ତ ବ୍ଲକ ଲାଗି ଲକ୍ଷ୍ମୀକାନ୍ତ ମହାନ୍ତି ଏବଂ ଭଣ୍ଡାରିପୋଖରୀ ଲାଗି ଲକ୍ଷ୍ମୀଧର ସାହୁ ସଭାପତି ଭାବେ ନିର୍ବାଚନ ହୋଇଥିବା ଦଳର ନିର୍ବାଚନ ଅଧିକାରୀ ପବନ ଶର୍ମା ସୂଚନା ଦେଇଛନ୍ତି। ସେହିପରି ନୂତନ ଟିମକୁ ଆଜି ଜିଲ୍ଲା ପାର୍ଟି କାର୍ଯ୍ୟଳୟରେ ଜିଲ୍ଲା ସଭାପତି ଜଗନ୍ନାଥ  ସ୍ୱାଇଁ ସମ୍ବର୍ଦ୍ଧିତ କରିଥିଲେ ।