ଓଟାୱା : ଭାରତ ବିରୋଧରେ ବିଷ ଓଗାଳୁ ଥିବା କାନାଡିଆନ ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କର ମୁସ୍କିଲ ବଢି ଯାଇଛି। ତାଙ୍କର ହିଁ ପାର୍ଟିର ସାଂସଦଙ୍କର ତାଙ୍କ ଉପରେ ଭରସା ନାହିଁ। କାନାଡାରେ କ୍ଷମତାସୀନ ଲିବରେଲ ପାର୍ଟି ଭିତରେ ସାଂସଦଙ୍କ ଏକ ଗ୍ରୁପ୍ ଜଷ୍ଟିନ୍ ଟ୍ରୁଡୋଙ୍କ ଉପରେ ପଦ ଛାଡ଼ିବା ପାଇଁ ଚାପ ପକାଉଛନ୍ତି।
ସିବିସି ନ୍ୟୁଜ୍ ସୂତ୍ରାନୁସାରେ କହିଛି, ଟୋରଣ୍ଟୋ ଓ ମାଣ୍ଟ୍ରିୟଲରେ ନିକଟରେ ହୋଇଥିବା ଉପ-ନିର୍ବାଚନରେ ହାରିବା ପରେ ଅସନ୍ତୋଷ ଶୀର୍ଷ ସ୍ତରରେ ପହଞ୍ଚି ଯାଇଛି , ଯେଉଁଥି ପାଇଁ ଅସନ୍ତୁଷ୍ଟ ସାଂସଦଙ୍କ ମଧ୍ୟରେ ଅନେକ ଗୁପ୍ତ ବୈଠକ ହୋଇଛି। ଏହି ସାଂସଦ ପ୍ରଧାନମନ୍ତ୍ରୀ ପଦରୁ ଜଷ୍ଟିନ ଟ୍ରୁଡୋଙ୍କୁ ହଟେଇବାକୁ ଚାହାନ୍ତି ଏବଂ ନେତୃତ୍ୱରେ ପରିବର୍ତ୍ତନ ପାଇଁ ଅତି କମ୍ରେ ୨୦ ଜଣ ନେତା କାଗଜପତ୍ରରେ ଦସ୍ତକ୍ଷତ କରିଛନ୍ତି।
ଏହି ବର୍ଷ ଜୁନ୍ ମାସରେ ଟୋରଣ୍ଟୋ-ସେଣ୍ଟ ପଲ୍ ଉପନିର୍ବାଚନରେ ଟ୍ରୁଡୋଙ୍କ ପାର୍ଟି ଆଶ୍ଚର୍ଯ୍ୟଜନକ ଭାବେ ହାରି ଯାଇ ଥିଲା , ଏହାପରେ ତାଙ୍କ ପାର୍ଟିରେ ଖୁବ୍ ଅସନ୍ତୋଷ ଦେଖା ଦେଇଛି। ଏସିଆରେ ନିକଟରେ ହୋଇଥିବା ଶିଖର ସମ୍ମିଳନୀରେ ଟ୍ରୁଡୋ ଓ ତାଙ୍କର ଚିଫ୍ ଅଫ୍ ଷ୍ଟାଫ କ୍ୟାଟି ଟେଲଫୋର୍ଡଙ୍କ ଅନୁପସ୍ଥିତି ନିରାଶ ସାଂସଦଙ୍କୁ ବୈଠକ କରିବା ଓ ଆଗାମୀ ରଣନୀତି ପ୍ରସ୍ତୁତ କରିବାର ସୁଯୋଗ ଦେଇଛନ୍ତି। ଏହା ପୂର୍ବରୁ , ଟୋରଣ୍ଟୋ ଷ୍ଟାରର ଶୁକ୍ରବାର ଏକ ପୁରୁଣା ଆର୍ଟିକଲରେ ମଧ୍ୟ ୫୨ ବର୍ଷିୟ ଟ୍ରୁଡୋଙ୍କୁ ପଦ ଛାଡ଼ିବା ପାଇଁ ସାର୍ବଜନିକ ଭାବେ ଚାପ ପକାଯିବାର ଚେଷ୍ଟା ବିଷୟରେ ବିସ୍ତୃତରେ କୁହାଯାଇ ଥିଲା। ଖବର କାଗଜରେ କୁହାଯାଇ ଥିଲା ଯେ ଅତି କମ୍ରେ ୩୦ରୁ ୪୦ ସାଂସଦ ଏକ ଚିଠିରେ ଦସ୍ତକ୍ଷତ କରିବାକୁ ପ୍ରସ୍ତୁତ ଅଛନ୍ତି।
